Bir foto sosial şəbəkəni qarışdırdı: Qazdır, yoxsa ördək?

Sosial mediada paylaşılan bir fotoşəkil, təsvir edilən quşun qaz yoxsa ördək olması barədə böyük müzakirə yaradıb. Qısa müddətdə minlərlə dəfə paylaşılan görüntü istifadəçiləri iki yerə bölüb.

Sonxeber.az xəbər verir ki, fotoda qəfəs içərisində, qarğıdalı dənələri ilə qidalanan bir quş görünür. Bəzi izləyicilər onun baş və dimdik quruluşuna əsaslanaraq ördək olduğunu iddia edir, digərləri isə qanad forması, tük naxışı və bədən ölçülərinə baxaraq qaz olduğunu düşünür.

Məsələ ilə bağlı açıqlama verən quş müşahidəçiləri bildiriblər ki, fotodakı quş çox güman ki, qaz növünə yaxın bir ördək alt növü və ya hibrid (melez) cinsdir. Mütəxəssislərin sözlərinə görə, bəzi qarışıq növlərdə həm qaz, həm də ördək xüsusiyyətləri eyni anda görünə bilər.

Hazırda sosial mediada "qazdır, yoxsa ördək?" sualı əsas müzakirə mövzusuna çevrilib.

Telegramda izləyin