Trabzonda diqqətçəkən hadisə: Qəhvəyi mərmər böcəyi kostyumu ilə horon oynadılar - VİDEO

Son illərdə xüsusilə Türkiyənin Şərqi Qara dəniz bölgəsində sakinlər kənd təsərrüfatına ciddi zərər verən qəhvəyi mərmər böcəyindən narazılıq edirlər.

Sonxeber.az türk mediasına istinadən xəbər verir ki, bu zərərverici bitkilərə böyük ziyan vuraraq fermerlərə maddi itkilər yaradıb.

Məsələyə diqqət çəkmək və hökumətdən tədbir görülməsini tələb etmək məqsədilə Səadət Partiyasının Trabzon vilayət təşkilatı maraqlı bir aksiya keçirib. "Qəhvəyi Mərmər Böcəyi Yolu Festivalı" adlanan tədbirdə bir nəfər böcək kostyumu geyinərək bu böcəklə bağlı bəstələnən mahnı sədaları altında horon oynayıb.

Aksiya iştirakçılarının sözlərinə görə, məqsəd həm problemi ictimaiyyətin diqqətinə çatdırmaq, həm də aidiyyəti qurumları qəhvəyi mərmər böcəyinə qarşı mübarizə istiqamətində daha ciddi addımlar atmağa çağırmaqdır.

Telegramda izləyin