76 yaşlı baba ilə nəvəsinin motosiklet macərası izləyənlərin üzündə təbəssüm yaratdı - VİDEO

Türkiyənin Zonguldak vilayətinin Devrek rayonunda 76 yaşlı İsmail Alakaz ilə nəvəsi Fatih Alakazın motosikletlə səyahəti izləyənlərin üzündə təbəssüm yaradıb.

Sonxeber.az türk mediasına istinadən xəbər verir ki, Eğerci kəndində yaşayan İsmail Alakaz, nəvəsinin idarə etdiyi motosikletin arxasında oturarkən həm həyəcan, həm də qorxu dolu anlar yaşayıb. Yol boyu narahatlığını gizlətməyən baba, nəvəsi Fatihin onu sakitləşdirməyə çalışması ilə maraqlı dialoqlar yaradıb.

Fatihin "Sakit ol" sözlərinə cavab olaraq baba Alakaz gülüş doğuran şəkildə belə deyib:

"Yoluna bax! Ataram özümü bu motosikletdən aşağıya. Vururuq, qolumuz qırılacaq!"

Kənd yollarında baş tutan qısa motosiklet gəzintisi zamanı çəkilən görüntülər, həm qorxunu, həm də nəvə ilə baba arasındakı səmimi və mehriban münasibəti əks etdirib. Hadisə sosial mediada da müsbət qarşılanaraq çox sayda izləyicinin marağına səbəb olub.

Telegramda izləyin