Türkiyənin tanınmış aktyoru vəfat edib

Türkiyənin tanınmış aktyoru Engin Çağlar vəfat edib.

"Report" xəbər verir ki, bu barədə ölkə mediası məlumat yayıb.

Bildirilib ki, 1960-70-ci illərdə rol aldığı unudulmaz filmlərlə milyonların sevgisini qazanan sənətçi Türkiyə Film Sənaye Fonduna (FİLMSAN) 7 il sədrlik edib.

Vurğulanıb ki, oktyabrın 31-də 85 yaşlı aktyoru İstanbulun Şişli rayonunda yolu keçmək istəyərkən motosiklet vurub və o, xəstəxanaya yerləşdirilib. Ancaq həkimlərin səylərinə baxmayaraq, sənətçinin həyatını xilas etmək mümkün olmayıb.

Xatırladaq ki, E.Çağlar (əsl adı Çağlan Övət - red.) 1940-cı il avqustun 28-də İstanbulda anadan olub. 1958-ci ildə qısa müddət "Qalatasaray" komandasında futbol oynayıb. Almaniyada ali təhsil alıb. İki il Şimali Kirpdə hərbi xidmətdə olub.

Kinoda ilk roluna 1968-ci ildə Bilgə Olqaçın "Öksüz" filmi ilə başlayıb. 1969-cu ildə Orxan Aksoyun rejissorluq etdiyi "Kınalı Yapıncak" filmində Hülya Koçyiğit ilə oynayaraq məşhurlaşıb. Hulki Saner ilə anlaşdıqdan sonra Metin Erksanın yönətdiyi filmlərdə görünüb. 1974-cü ildə kinodan gedib. 2016-cı ildən FİLMSAN Fondunun İdarə Heyətinə sədr seçilib.

2011-ci ildə "Altın Portakal" film festivalında, 2017-ci ildə teatr və kino aktyorları mükafatına layiq görülüb.

E.Çağlar Türkiyənin "Yeşilcam" filmlərinin aparıcı aktyorlarından olub. Onlarla bədi filmə və seriallara çəkilb.

Telegramda izləyin