Müəllim tələbəsini hicablı olduğu üçün təhqir etdi, vəzifədən kənarlaşdırıldı

İstanbulda diş həkimliyi fakültəsində təhsil alan 22 yaşlı İclal Özbek hicablı olduğu üçün müəllimi tərəfindən alçaldıcı ifadələrə məruz qalıb.

Sonxeber.az türk mediasına istinadən xəbər verir ki, Özbey müəlliminin ona, "Başını bu şəkildə bağlayanda təmizlik işçisinə bənzəyirsən, diş həkimi belə olmaz" və "Mən azadlıq tərəfdarıyam, istəsən hicabını açmağa kömək edərəm" kimi sözlər deyib.

Gənc tələbə, uzun müddət davam etdiyini iddia etdiyi bu davranışlar səbəbindən müxtəlif qurumlara şikayət edib. Şikayətlərdən sonra həmin müəllimə qarşı tədbir görülərək onun tədrisdən uzaqlaşdırıldığı bildirilib.

Hadisə sosial mediada da geniş müzakirələrə səbəb olub və dini inanclara hörmət prinsiplərinin təhsil mühitində qorunmasının vacibliyi bir daha gündəmə gətirilib.

Telegramda izləyin