Su çəkmək istəyən ustalar 1500 il əvvələ aid insan sümükləri tapdılar

Denizlinin Acıpayam rayonunda su borusu çəkmək üçün qazılan çuxurda insan sümüklərinə və küplərə rast gəlinib.

Sonxeber.az türk mediasına istinadən xəbər verir ki, tapılan sümüklərin təxminən 1500 il əvvələ aid olduğu ehtimal edilir. Bölgədə aparılan qazıntılarda əlavə olaraq 4 küp də müəyyən edilib və araşdırmalar davam edir.

Hadisə, Acıpayamın Ucarı məhəlləsində Dövlət Su İşləri (DSİ) tərəfindən həyata keçirilən kənd təsərrüfatı suvarma işləri zamanı baş verib. Boru çəkmək üçün qazıntı aparan əməkdaşlar təxminən 2 metr dərinlikdə böyük bir torpaq küpü qırıb. Küpün içərisində insan skeleti olduğunu görən işçilər dərhal jandarma əməkdaşlarına məlumat veriblər.

Denizli Muzey İdarəsinin mütəxəssisləri küp və skeleti araşdıraraq, onun insana aid olduğunu təsdiqləyiblər. Küpün yanında 4 əlavə küpün də mövcudluğu müəyyən edildiyi üçün bölgədə genişmiqyaslı qazıntı işləri başlanıb. Araşdırmaların və qazıntı işlərinin yekunlaşmasından sonra rəsmi açıqlama veriləcəyi bildirilib.

Telegramda izləyin