Yeni doğulan qızına "Fenerbahçe" adını verən ata sosial mediada böyük müzakirə yaratdı

İzmir sakini olan bir ata yeni doğulan qızına "Fenerbahçe" adını verərək diqqət çəkən qərara imza atıb.

Sonxeber.az türk mediasına istinadən xəbər verir ki, atanın qızının şəxsiyyət vəsiqəsini sosial şəbəkədə paylaşması qısa müddətdə böyük maraq doğurub və video sürətlə viral olub. Paylaşım bir neçə saat ərzində minlərlə bəyənmə və şərh toplayıb.

Hadisə xüsusilə futbol ictimaiyyətində geniş rezonans yaradıb. Sosial media istifadəçiləri mövzu ilə bağlı iki yerə bölünüb. Bir qrup "uşağa klub adı qoymağın doğru olmadığını" bildirərək ailəni fanatizmdə ittiham edib və uşağın gələcəkdə bu ada necə reaksiya verəcəyinin sual altında olduğunu vurğulayıb.

Digər qrup isə ailənin seçiminə hörmət göstərilməli olduğunu deyib. "Fenerbahçe kimi böyük bir camianın adını daşımaq qürurdur" kimi rəylərlə ataya dəstək verənlər az olmayıb. Bəzi azarkeşlər bu qərarın "gerçək sevgi və bağlılıq göstəricisi" olduğunu müdafiə ediblər.

Hadisə sosial şəbəkələrdə müzakirə olunmağa davam edir.

Telegramda izləyin