Kafedə düşən dava müzakirə yaratdı: Gerçək yoxsa süni intellekt? - VİDEO

Mersində bir kafedə baş verən dava sosial mediada geniş müzakirələrə səbəb olub.

Sonxeber.az türk mediasına istinadən xəbər verir ki, dava Yenişəhər rayonunun Çiftlikköy məhəlləsində, Universitet prospektində yerləşən bir kafedə axşam saatlarında baş verib. Kafedə əyləşən iki gənc qrup arasında naməlum səbəbdən başlayan mübahisə qısa zamanda böyüyərək davaya çevrilib.

Şahid tərəfindən çəkilən görüntülər əslində bir döyüş səhnəsini xatırladır. Kadrlarda bir gəncin digərini qapı girişinə doğru sıxışdıraraq boğazından tutduğu və ard-arda yumruqlar endirdiyi, digər gənclərin isə kafe daxilində bir-birinə yumruq və təpiklə hücum etdiyi görünür.

Dava zamanı bəzi stulların aşması, müştərilərin masalarını qoyub tələsik şəkildə çölə qaçması diqqətdən yayınmayıb. Kafe işçilərinin tərəfləri ayırmaq üçün göstərdiyi səylər də görüntülərdə əks olunub.

Hadisə sosial şəbəkələrdə yayıldıqdan sonra istifadəçilər arasında "Gerçəkdir, yoxsa süni intellekt məhsuludur?" mübahisəsi alovlanıb. Bəzi istifadəçilər görüntülərin süni intellektlə hazırlanmış ola biləcəyini iddia etsə də, əksəriyyət səhnənin real olduğunu bildirib.

Telegramda izləyin