35 ildir eyni xəstəliklə mübarizə aparır! Ayağının ağırlığı 100 kiloya qalxıb - VİDEO

Mersinin Tarsus rayonunda yaşayan 53 yaşlı Cənnət Karabacak tam 35 ildir fil xəstəliyi ilə mübarizə aparır.

Sonxeber.az türk mediasına istinadən xəbər verir ki, uzun illər davam edən müalicələr nəticəsində onun 100 kiloqram çəkidə olan ayağının çəkisi son prosedurlardan sonra 50 kiloqrama düşüb.

İnköy məhəlləsində yaşayan, evli və 5 övlad anası olan Karabacak xəstəliyə 19 yaşında tutulub. İllərlə müxtəlif müalicələrə müraciət edən qadın son olaraq İstanbulda özəl bir tibb mərkəzinə üz tutub. Burada 2 aylıq müalicə nəticəsində ümumi çəkisi 205 kiloqramdan 145 kiloqrama düşüb. Ayağındakı 100 kiloqramlıq şiş isə 50 kiloqrama enib. Qısa müddətdə ümumilikdə 60 kiloqram çəki itirməsinə baxmayaraq, müalicənin uzunmüddətli olması və yüksək xərcləri ailəni çətin vəziyyətə salıb.

Maddi imkanların məhdudluğu səbəbindən Cənnət Karabacağın müalicəsi demək olar ki, dayanma nöqtəsinə gəlib. Ailə kənddəki torpaqlarından birini sataraq çıxış yolu tapmağa çalışsa da, əldə edilən gəlir müalicə xərclərini qarşılamağa kifayət etməyib.

Çətin durumda qalan Karabacak dəstək istəyərək bildirib:
"Fil xəstəliyini 35 ildir çəkirəm. Mersin və Tarsusda müalicə tapmadım. Hazırda İstanbulda özəl bir xəstəxanada müalicə alıram."

O, maddi yardım olarsa müalicəsinin tamamlanacağını və illər sonra yenidən normal şəkildə yürümə ümidinin yarandığını qeyd edib.

Telegramda izləyin