Pulu çatmayan uşağa tort hədiyyə etdi, amma, tənqid edilir - VİDEO

İstanbulda bir şirniyyat evi yeni doğum edən anası üçün tort almaq istəyən, lakin pulu çatmayan uşağa tortu hədiyyə edib.

Sonxeber.az türk mediasına istinadən xəbər verir ki, İstanbulda fəaliyyət göstərən şirniyyat evi sahibinin davranışı sosial mediada geniş rezonans doğurub. Bildirilir ki, yeni doğum edən anası üçün tort almağa gələn, lakin kifayət qədər pulu olmayan azyaşlı uşağa istədiyi tort pulsuz təqdim edilib.

Şirniyyat evi sahibi uşağın sevinc yaşadığı anları mobil telefonla lentə alaraq sosial şəbəkə hesabında paylaşıb. Qısa müddətdə yayılan görüntülər ictimaiyyətdə fikir ayrılığı yaradıb.

İstifadəçilərin bir qismi bu addımı nümunəvi və humanist davranış kimi qiymətləndirərək sahibkara təşəkkür edib. Digər qisim isə azyaşlının üzünün açıq şəkildə göstərilməsini şəxsi toxunulmazlığın pozulması və "yaxşılığın nümayiş etdirilməsi" kimi dəyərləndirərək tənqid edib.

Müzakirələrdə əsas sual isə belə olub: edilən hərəkət xeyirxahlıq nümunəsidir, yoxsa uşağın məxfiliyinin pozulması?

Telegramda izləyin