Bu kafedə donuzlarla kofe içirlər - VİDEO

Yaponiyada fəaliyyət göstərən bir türk sosial media istifadəçisi küçədə qarşılaşdığı "Donuz Kafe" konsepti qarşısında təəccübünü gizlədə bilməyib.

Sonxeber.az xarici mediaya istinadən xəbər verir ki, yaponların qapısında növbəyə dayandığı kafenin görüntülərini lentə alan vətəndaş, müştərilərin donuzlarla vaxt keçirdiyi anları saniyə-saniyə paylaşıb.

Yayılan kadrlarda kafe daxilində müştərilərin çəhrayı örtüklər üzərində qucaqlarına oturtduqları donuzları sığalladıqları və onlarla xüsusi "qucaqlaşma" seanslarında iştirak etdikləri və kofe içdikləri görünür.

Görüntülərin sosial şəbəkələrdə sürətlə yayılmasından sonra istifadəçilər arasında fikir ayrılığı yaranıb. Bəzi şəxslər bu tip məkanların uşaqların heyvanları yaxından tanıması baxımından faydalı ola biləcəyini bildiriblər. Digər qrup isə heyvanların bu formada kommersiya məqsədilə "obyektə" çevrilməsinin etik baxımdan qəbuledilməz olduğunu vurğulayıb.

Məsələ ətrafında müzakirələr davam edir.

Telegramda izləyin