Məsciddə namaz vaxtı tavan insanların üzərinə çökdü - VİDEO

Şanlıurfada məsciddə günorta namazı zamanı xoşagəlməz hadisə baş verib. Namaz əsnasında asma tavandan qopan suvaq və beton parçaları ibadət edən camaatın üzərinə düşüb.

Sonxeber.az türk mediasına istinadən xəbər verir ki, hadisə saat 16:00 radələrində Hacı Musa Kızıldemir Camii məscidində qeydə alınıb. Günorta namazı üçün imamın arxasında səf tutan camaat səcdəyə getdiyi anda tavandan qopan hissələr qəfil şəkildə aşağı düşüb. Nəticədə məscidin içərisində toz buludu yaranıb və qısa müddətli təşviş yaşanıb.

Hadisə zamanı imam və camaat namazı yarımçıq saxlayaraq sürətlə məscidi tərk ediblər. Sevindirici haldır ki, insident nəticəsində xəsarət alan olmayıb.

Baş verənlər məscidin təhlükəsizlik kamerası tərəfindən qeydə alınıb. Görüntülərdə camaatın səcdədə olduğu anda tavandan qopan parçaların qəfil düşdüyü, daha sonra isə imam və ibadət edənlərin təşviş içində ayağa qalxaraq məsciddən çıxdıqları əks olunub.

Faktla bağlı məscid binasının texniki vəziyyətinin araşdırılması gözlənilir.

Telegramda izləyin