Türkiyədə bir qadın Ramazan təbilçilərinə etiraz etdi:"Bu adət artıq zəruri deyil" - VİDEO

Türkiyədə gənc bir qadın imsak vaxtı çalınan Ramazan təbilinin artıq zəruri olmadığını bildirərək bu ənənənin dayandırılmasını təklif edib.

Sonxeber.az türk mediasına istinadən xəbər verir ki, Ramazan ayında imsak vaxtı küçələrdə təbil çalınmasına bir vətəndaş sosial media hesabı vasitəsilə etiraz edib. Kiçik bir şəhərdə yaşadığını qeyd edən gənc qadın, ənənəvi tətbiqin müasir dövrdə əvvəlki funksiyasını itirdiyini bildirib.

Onun sözlərinə görə, yaşadığı bölgədə imsak vaxtı saat 06:00-dır, lakin təbil səsi artıq saat 04:00-dan eşidilməyə başlayır. Vətəndaş hesab edir ki, hazırda insanların əksəriyyəti mobil telefon və digər elektron vasitələrlə alarm quraraq imsaka oyanır: "Oyanan var, oyanmayan var. Oyananlar artıq öz zəngləri ilə qalxır. İndi hər kəsin alarmı var, Ramazan təbilçisinə nə ehtiyac var?" - deyə o bildirib.

Gənc qadın ənənənin indiki şəraitdə praktik əhəmiyyətini itirdiyini, xüsusilə erkən saatlarda səslərin narahatlıq yaratdığını vurğulayıb. O, həmçinin Ramazan ayının sonunda bir neçə şəxsin "Ramazan təbilçisiyəm" deyərək qapılara yaxınlaşıb pul tələb etdiyini iddia edib.

Vətəndaş ənənənin yenidən nəzərdən keçirilməsinin vacibliyini qeyd edərək, bu tətbiqin dayandırılmasını istədiyini bildirib. Mövzu sosial şəbəkələrdə müzakirələrə səbəb olub.

Telegramda izləyin