Yaşlı qadının estetik əməliyyatlardan sonrakı dəyişikliyi görənləri şok edir - VİDEO

Xaricdə yaşayan bir qadının keçirdiyi estetik əməliyyat sosial mediada geniş müzakirələrə səbəb olub.

Sonxeber.az xarici mediaya istinadən xəbər verir ki, yaşlanma əlamətlərindən xilas olmaq istəyən qadın "tam üz gəncləşdirmə" əməliyyatı etdirib. Bir neçə mərhələdən ibarət olan prosedurlar çərçivəsində ona dərin üz gərmə və göz qapağı estetikası daxil olmaqla müxtəlif cərrahi müdaxilələr olunub.

Əməliyyatdan sonra yayılan görüntülərdə qadının üzündəki sallanmaların aradan qalxdığı və görünüşünün xeyli cavanlaşdığı müşahidə edilir. Dəyişiklik o qədər diqqətçəkən olub ki, bəzi sosial media istifadəçiləri bunun eyni şəxs olduğuna inanmaqda çətinlik çəkiblər.

Paylaşılan videolara yazılan rəylərdə izləyicilər nəticəni "yenidən doğuluş" kimi qiymətləndiriblər. Mövzu qısa müddətdə sosial platformalarda geniş yayılıb və müzakirələrə səbəb olub.

Telegramda izləyin