Şəhərdə damdan-dama atılan meymunun hardan qaçdığı məlum oldu! - VİDEO

İstanbulun Kadıköy rayonunun Fikirtepe məhəlləsində saxlanılması qadağan edilən rhesus makak cinsinə aid meymun qaçaraq ətrafdakı binaların dam və eyvanlarına çıxıb.

Sonxeber.az türk mediasına istinadən xəbər verir ki, hadisəni görən sakinlər dərhal aidiyyəti qurumlara məlumat veriblər. Əraziyə polis əməkdaşları və müvafiq xidmətlərin əməkdaşları cəlb olunub. Aparılan əməliyyat nəticəsində makak meymunu gizləndiyi yerdə tutularaq mühafizə altına götürülüb.

Araşdırma zamanı heyvanın iş yerində icazəsiz saxlanıldığı müəyyən edilib və obyekt sahibi barəsində inzibati tədbir görülüb.

Doğa Koruma ve Milli Parklar Genel Müdürlüğü sosial şəbəkə hesabında məsələ ilə bağlı açıqlama yayaraq meymunun sağlamlıq vəziyyətinin yaxşı olduğunu bildirib.

Telegramda izləyin