Nişanlısının yazdığı mesajı paylaşdı, görən hər kəs eyni reaksiyanı verir

WNBA ulduzu Cameron Brink nişanlısının onunla ilk dəfə əlaqə saxlamaq üçün göndərdiyi zarafatcıl e-poçtu sosial media hesabında paylaşıb. Paylaşım qısa müddətdə böyük marağa səbəb olub.

Sonxeber.az xarici mediaya istinadən xəbər verir ki, Brink hazırda nişanlısı olan sevgilisinin illər əvvəl ona yazdığı ilk mesajı izləyiciləri ilə bölüşüb. Səmimi və yumor dolu e-poçt sosial şəbəkələrdə sürətlə yayılıb və gündəmə çevrilib.

Paylaşılan məktubda nişanlısı belə yazıb: "Səninlə söhbət etmək istədim, amma birbaşa mesajların bir az qorxuducu olduğunu düşünürəm. E-poçtun daha yaxşı olduğunu deyə bilmərəm, amma nömrəm budur…" Mesajdakı açıq və yumoristik üslub izləyicilərin diqqətini çəkib.

Brinkin paylaşdığı ekran görüntüsü minlərlə bəyənmə və şərh toplayıb. İzləyicilər cütlüyün tanışlıq hekayəsini "yaradıcı" və "cəsarətli" kimi qiymətləndiriblər.

Qeyd edək ki, idmançının şəxsi həyatı da karyerası qədər sosial mediada maraq doğurur və bu paylaşım azarkeşlər tərəfindən böyük rəğbətlə qarşılanıb.

Telegramda izləyin