"Uşaqlara qarşı zorakılıq edən şəxslər üçün 200-600 manat cərimə azdır" - AÇIQLAMA

"Uşaqlara qarşı zorakılıq edən şəxslər üçün 200-600 manat cərimə azdır" - AÇIQLAMAUşağa qarşı cismani cəzanın tətbiqi qaydası dəyişir.

Bu, Milli Məclisin Hüquq siyasəti və dövlət quruculuğu və İnsan hüquqları komitələrinin bu gün keçirilən birgə iclasında müzakirəyə çıxarılan İnzibati Xətalar Məcəlləsinə təklif olunan dəyişiklikdə öz əksini tapıb.

Layihəyə əsasən, valideynlər (onları əvəz edən şəxslər), uşaqlara nəzarəti həyata keçirmək vəzifəsini daşıyan təhsil, tibb, sosial xidmət, idman, mədəniyyət, istirahət müəssisələrinin və penitensiar müəssisələrin işçiləri tərəfindən uşağa qarşı cismani cəzanın tətbiqinə, yəni tərbiyə etmək məqsədilə və ya intizam tədbiri kimi uşağa qarşı fiziki və (və ya) psixoloji zorakılığın törədilməsinə görə 200-600 manat məbləğində cərimə tətbiq olunacaq.

Bəs görəsən bu qərar uşaqlara qarşı törədilən zorakılıq əməllərinin qarşısını ala biləcəkmi?

Sosioloq Mətanət Məmmədova bu barədə Sonxeber.az -a açıqlama verib:

"Uşaqlara qarşı zorakılıq cəmiyyətin ən ağrılı problemlərindən biridir və təəssüf ki, bu hallar təkcə ailələrdə deyil, bəzən təhsil müəssisələrində, o cümlədən uşaq bağçalarında da müşahidə olunur. Bir çox uşaqlar həm fiziki, həm də psixoloji təzyiqə məruz qalırlar. Bu baxımdan Milli Məclisdə mövzunun müzakirəyə çıxarılması olduqca vacib və təqdirəlayiq addımdır.

Valideyn öz övladını zorakılıq və psixoloji təzyiq yolu ilə tərbiyə edə bilməz. Belə yanaşmadan sağlam tərbiyə formalaşması mümkün deyil. Əgər uşaq hansısa məqamda tərbiyəyə çətin uyğunlaşırsa, onun sakitləşməsini gözləmək, daha düzgün və müasir metodlardan istifadə etmək lazımdır. Zorakı davranış heç vaxt effektiv nəticə vermir.

Bəzən valideynlər öz istəklərini uşağa məcburi şəkildə qəbul etdirməyə çalışırlar və bu məqsədlə müxtəlif zorakı üsullara əl atırlar. Uşağın tək otağa salınması, qapının üzünə bağlanması, yaşıdlarının yanında təhqir edilməsi kimi davranışlar təəssüf ki, hələ də rast gəlinən hallardandır. Halbuki bütün bunlar yolverilməzdir və uşağın psixologiyasında ciddi izlər buraxa bilər.

Uşağı dünyaya gətirmək hər bir insanın könüllü qərarıdır. Bu qərarı verən şəxs bilməlidir ki, övladın tərbiyəsi səbr, diqqət və məsuliyyət tələb edir. Əgər valideyn bu məsuliyyəti daşımağa hazır deyilsə, uşağa qarşı zorakı davranışlara görə hüquqi məsuliyyət daşımalı olur. Bu məsuliyyət yalnız valideynlərə deyil, eyni zamanda bağça və məktəblərdə çalışan müəllim və tərbiyəçilərə də aiddir. Heç bir qanun uşağın tərbiyəsi adı altında zorakılığa haqq qazandırmır.

Zorakılıqla tərbiyə etmək düşüncəsi kökündən yanlışdır. Uşaq nə qədər çətin davranış göstərsə belə, onunla sakit və anlayışlı şəkildə söhbət etməklə, düzgün yanaşma ilə nəticə əldə etmək mümkündür. Əks halda tətbiq olunan təzyiq yalnız qorxu və psixoloji travma yaradır.

Milli Məclisdə bu məsələ ilə bağlı müzakirələrin aparılması müsbət addımdır. Lakin təklif olunan 200-600 manat məbləğində cərimə bəzi hallarda yetərli görünməyə bilər. Uşaqlar cəmiyyətin gələcəyidir və onların hüquqlarının qorunması ilə bağlı cəzalar daha sərt olmalıdır. Çünki zorakılıq edən şəxslər əslində gələcəyimizin psixologiyasına zərbə vururlar.

Bununla belə, belə cərimələrin tətbiqi müəyyən mənada profilaktik təsir göstərə bilər. Həm valideynlər, həm də müəllimlər davranışlarına daha məsuliyyətlə yanaşmağa başlayarlar. Xüsusilə psixoloji gərginlik yaşayan valideynlər üçün bu, öz övladları ilə münasibətdə daha diqqətli olmağa səbəb ola bilər. Müəllimlər də uşaqlarla davranarkən hər addımı daha məsuliyyətlə qiymətləndirməli olduqlarını dərk edərlər.

Hazırda qanun layihəsi hələ qüvvəyə minməyib və müzakirə mərhələsindədir. Ümid etmək olar ki, müzakirələr zamanı mütəxəssislərin, o cümlədən sosioloqların fikirləri nəzərə alınacaq və uşaqlara qarşı zorakılığa görə tətbiq ediləcək cəzaların daha təsirli olması üçün müvafiq dəyişikliklər ediləcək. Uşaqların təhlükəsiz və sağlam mühitdə böyüməsi isə cəmiyyətin hər bir üzvünün ortaq məsuliyyətidir".


Sonxeber.az
Telegramda izləyin
Sosial   Baxılıb: 861   Tarix: 12 mart 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Saatlıq əməkhaqqı sistemi tətbiq ediləcək

Azərbaycanda saatlıq əməkhaqqı sistemi tətbiq ediləcək. "Qafqazinfo" xəbər verir ki, bu, Milli Məclisin bu gün keçirilən iclasında müzakirə edilən Əmək Məcəlləsinə təklif edilən dəyişiklikdə əksini tapıb. Layihəyə əsasən, aşağıdakı hallardan biri olduqda saatlıq əməkhaqqı müəyyən ediləcək:

17 noyabr
.

Noyabr ayının pensiyaları ödənildi

Bu gün Bakı, Sumqayıt şəhərləri və Abşeron rayonu üzrə noyabr ayının pensiyaları ödənilib. xəbər verir ki, bu barədə Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu məlumat yayıb. Naxçıvan Muxtar Respublikasının Əmək və Əhalinin Sosial Müdafiəsi Nazirliyinin tabeliyind

17 noyabr
.

Çipslərə aksiz vergisi qoyulur

Çips aksizli mal olur. "Qafqazinfo" xəbər verir ki, bu, Milli Məclisin bu gün keçirilən iclasında müzakirəyə çıxarılan Vergi Məcəlləsinə təklif olunan dəyişiklikdə əksini tapıb. Layihəyə əsasən, çipsin aksizli malların dairəsinə daxil edilməsi, yerli istehsalda hər kiloqrama görə 1 manat məbləğind

18 noyabr
.

"Parlament danışmaqxana deyil" - Spikerdən deputata irad

"Ötən gün keçirilən plenar iclasda çıxış üçün verilən reqlament 10 dəqiqədən 5 dəqiqəyə endirildi. Hansı deputat 3 dəqiqə danışmaq istəyirsə, danışsın. Başqalarına niyə yol göstərirlər? Bura Milli Məclisdir, danışmaqxanadır. Danışmağa sərhəd qoymaq olmaz". "Qafqazinfo" xəbər veri

17 noyabr
.

Prezident təqaüdü alanların sayı açıqlandı

Azərbaycan Respublikası Prezidentinin təqaüdü və fəxri adlara görə təqaüd təyin olunan şəxslərin sayı açıqlanıb. xəbər verir ki, bu barədə Dövlət Statistika Komitəsi (DSK) məlumat yayıb. Bildirilib ki, müxtəlif kateqoriyadan olan 407,6 min şəxsə Azərbaycan Respublikası Prezidentinin təqaüdü və fəxr

18 noyabr
.

Gürcüstanda 31 yaşlı azərbaycanlını cərəyan vurub öldürdü

Gürcüstanın Laqodexi bələdiyyəsində azərbaycanlı şəxs bədbəxt hadisə nəticəsində ölüb. "Qafqazinfo" xəbər verir ki, hadisə Yzybtala kəndində baş verib. Usta işləyən 31 yaşlı Əmrah Kazımov talvarın üzərini metal təbəqə ilə örtdüyü zaman ehtiyatsızlıqdan yüksəkgərginlikli elektrik naqillərin

18 noyabr
.

Bab əl-Məndəb və Hörmüz eyni vaxtda risk altında: Azərbaycan tranzit marşrutları üçün bunun mənası nədir?

Körfəzdə gərginlik yenidən artıb. Noyabrın 13-də İran İnqilab Keşikçiləri Korpusu Bəhreyndəki ABŞ radarına hücum etdiyini açıqladı. ABŞ Mərkəzi Komandanlığı (CENTCOM) iki dronun vurulduğunu bildirdi, itki və zərər olmadığını dedi və radar iddiasını təkzib etdi (Al Jazeera, Reuters). Hər iki tərəfin iddias

16 noyabr
.

Evə buraxılan qadın xəstəxana həyətində öldü

Bakıda 65 yaşlı qadın xəstəxananın həyətində vəfat edib. "Qafqazinfo" xəbər verir ki, hadisə Sabunçu rayonunda baş verib. Noyabrın 15-i saat 16 radələrində Maştağa qəsəbə sakini 1961-ci il təvəllüdlü Mətanət Ağasəlim qızı Məlikova qidadan (turşudan) zəhərlənərək xəstəxanaya yerləşdirilib. On

17 noyabr
.

Komediya proqramlarında söyüş və jarqon normal hala çevrilir? - AÇIQLAMA

Son dövrlər televiziya və sosial şəbəkələrdə yayımlanan bəzi komediya proqramlarında əxlaq normalarına zidd hesab edilən ifadə və davranışlar ictimai müzakirələrə səbəb olur. Xüsusilə, geniş auditoriyaya təqdim olunan bu cür məzmunların yeniyetmə və gənclərin dünyagörüşünə, davranışlarına və ailə dəyərlərin

18 noyabr