İnsanlar ora girməməlidir: Ən ölümcül virus 200 metrlik mağarada yaşayır

Keniyada yerləşən Kitum mağarası "fil mağaraları"ndan biridir. Onlara belə ad verilib, çünki fil sürüləri mağaraya daxil olaraq oradan duz "çıxarırlar". Bəzən fil ailələrinin bütün üzvləri mağaraya daxil olur, divarları dişləri ilə cızır və sonra ayırdıqları duzu yeyirlər.

Qaynarinfo xəbər verir ki, bu barədə "Discoverwildlife" yazır.

Lakin Kitum mağarasındakı heyvanlar yalnız fillərlə məhdudlaşmır. Mağarada yarasalar yaşayır. On minlərlə yarasa mağaranın 200 metrdən çox dərinə uzanan divar və tavanına yapışır. Onların tullantıları mağara döşəməsində qalın, turşulu qat əmələ gətirir.

Lakin bu tək təhlükə deyil. 1980-ci illərdə mağaraya daxil olan iki nəfər, burada yaşayan Misir yarasalarının daşıdığı virusla yoluxaraq ölüblər. Bu virus yarasalara zərər verməsə də, insanlarda daxili qanaxmaya səbəb olur. Bu xəstəlik Marburq xəstəliyi kimi tanınır və ölüm göstəricisi 88%-ə çatır.

Hazırda bu xəstəlik üçün vaksin və ya antiviral dərman mövcud deyil. Buna görə də insanlara tövsiyə olunur ki, mağaradan uzaq dursunlar və fil sürülərinə buranı istədikləri kimi istifadə etməyə imkan versinlər, çünki filər bu xəstəliyə qarşı immunitetə malikdir.

Telegramda izləyin