Məşhur fenomen vəfat etdi: son paylaşımı hər kəsi kövrəltdi

Dünya üzrə sosial şəbəkələrdə tanınan kolumbiyalı cüce fenomen David Alejandro Pelaez Marin (Alejo Little) həyatını itirib.

Sonxeber.az xarici mediaya istinadən xəbər verir ki, sümük qüsuru ilə dünyaya gələn və "Alejo Little" adı ilə milyonlarla izləyici qazanan fenomen uzun müddətdir davam edən sağlamlıq problemlərinə qarşı mübarizə aparırdı. Onun vəfat xəbəri pərəstişkarlarını dərin kədərə boğub.

Marinin son paylaşımı isə xüsusilə diqqət çəkib. O, 33-cü doğum günü münasibətilə yazdığı mesajda bu sözləri qeyd etmişdi: "33-cü yaş günümün fərqli olacağını düşünürdüm, amma belə olmadı". Buna baxmayaraq, o ümidini itirmədiyini bildirərək əlavə etmişdi: "Gələn il, bu gün səni xilas edənlərlə birlikdə, xəyal etdiyin kimi olacaq".

Sosial şəbəkələrdə minlərlə istifadəçi Alejo Little-in xatirəsini yad edərək ailəsinə və yaxınlarına başsağlığı verib.

Telegramda izləyin