"Çocuklar Duymasın"ın Eminesinin son halını görənlər tanımır

Bir dövrə damğa vuran "Çocuklar Duymasın" serialında canlandırdığı Emine obrazı ilə tanınan Melek Şahinin son görüntüsü sosial şəbəkələrdə müzakirə mövzusuna çevrilib.

Sonxeber.az türk mediasına istinadən xəbər verir ki, 2002-ci ildə yayımlanmağa başlayan serial bir çox unudulmaz obrazları tamaşaçılara təqdim etmişdi. Onlardan biri olan Emine obrazı isə illər keçsə də yaddaşlarda öz yerini qoruyub saxlayır.

Melek Şahinin həyat verdiyi bu obraz serialda Çayçı Hüseynin həyat yoldaşı kimi təqdim olunurdu. Səmimi davranışları və hazırcavablığı ilə diqqət çəkən Emine qısa zamanda geniş tamaşaçı rəğbəti qazanmışdı.

Hazırda 55 yaşı olan aktrisanın son halı sosial mediada böyük maraq doğurub. Onun illər ərzində keçirdiyi dəyişiklik diqqətdən yayınmayıb, xüsusilə də formada qalması və üslubu istifadəçilər tərəfindən bəyənilib.

Real həyatda serialdakı obrazından xeyli fərqli görünüş sərgiləyən aktrisa ilə bağlı sosial şəbəkələrdə "illərə meydan oxuyur" kimi rəylər paylaşılıb. Onun son halını görənlər isə təəccüblərini gizlədə bilməyiblər.

Telegramda izləyin