Oyun zamanı futbolçunun bu davranışı təəccübləndirdi

Türkiyənin TFF 2-ci Liqasında keçirilən Bursaspor - Mardin 1969 qarşılaşması zamanı qeyri-adi və müzakirələrə səbəb olan hadisə baş verib.

Sonxeber.az türk mediasına istinadən xəbər verir ki, oyunun gedişində qonaq komandanın futbolçusu topa müdaxilə etmək istəyərkən nəzarəti itirərək həm rəqib oyunçunu, həm də yan hakim Esra Arıkboğanı yerə yıxıb. Hadisə bir anda stadionda və sosial şəbəkələrdə böyük rezonans doğurub.

Ən diqqətçəkən məqam isə futbolçunun bu insidentdən sonra sanki heç nə baş verməmiş kimi davranaraq oyuna davam etməsi olub. Bu vəziyyət futbol azarkeşləri və idman ictimaiyyəti tərəfindən təəccüb və tənqidlə qarşılanıb.

Qarşılaşmada baş verən bu epizod idmanda təhlükəsizlik, hakimlərin qorunması və oyunçuların davranış qaydaları ilə bağlı müzakirələri yenidən gündəmə gətirib.

Telegramda izləyin