Məxfi sənədlərin Qara bağı
İllərlə tamaşaçı rəğbətini qazanan və reytinqlərdə birinci olan "XX yüzillik. Faktlar, hadisələr və insanlar" verilişindən sonra İctimai Televiziyada yeni üslubda bir layihə başlayıb. Müsəllim Həsənovun təqdimatında efirə çıxan "Qara bağ" sənədli serialı adından da göründüyü kimi, əsasən Qarabağ bölgəsinin tarixindən bəhs edir. Bütün tarixi, sənədli filmlər və layihələr kimi "Qara bağ" sənədli serialı arxiv sənədləri, müəllifin araşdırmaları üzərində qurulub. Layihədə arxivlərdə indiyədək araşdırılmayan, gizli qalan və ya qalmağa məhkum edilən bir çox həqiqətlər gün üzünə çıxacaq. Tozlu sənədlərin qara bağlarını açaraq əsl tarixi ictimaiyyətə çatdırmağı hədəfləyən layihənin görünən tərəfi qədər, kadrarxasında çalışan yaradıcı qrupun zəhməti də bu işin uğurla ərsəyə gəlməsində xüsusi paya malikdir. "Qara bağ"çılar tamaşaçının görüşünə yeni tərtibatda və fərqli quruluşda studiya ilə gəlib. Bir neçə çəkiliş meydançasını özündə birləşdirən pavilyon yeganə çəkiliş məkanıdır.
Nəzərə alsaq ki, arxiv sənədləri ilə, yeni həqiqətlərlə Azərbaycan tamaşaçısını tanış etmək niyyətində olan "Qara bağ" layihəsi hər bir seriyasında tarixin qaranlıq səhifələrinə əsasən qrafik üslubda işlənən animasiyalarla, canlandırılmış tarixi obrazlarla və sənədlərlə işıq salacaq. Auditoriyanı həm də bilgiləndirməyi hədəfləyən layihənin həmmüəllifi daha əvvəl həmin televiziyada "XX yüzillik. Faktlar, hadisələr və insanlar" verilişini çəkən rejissor Elçin Qasımovdur. Tamaşaçını yormadan tarixi araşdıran müəlliflər bunun üçün studiyada 7 çəkiliş meydançası qurub. Serialın forma və məzmun vəhdəti, yəni arxiv sənədlərinin ekran həlli məhz həmin pavilyonlarda lentə alınan görüntülərlə mümkün olur. O dövrə aid görüntülərin demək olar ki, yoxluğu, həqiqətin izləyiciyə necə çatdırılacağı ilə bağlı ilkin mərhələdə müəyyən tərəddüdlər yaratsa da, layihənin ümumi yanaşması və rejissor həlli bu suallara praktik cavab təqdim edir. Arxiv materiallarının məhdudluğu fonunda tarixi məzmunun yenidən qurulması əlavə diqqət və araşdırma tələb edir.
Sənədli serialda ən kiçik detalın belə xüsusi incəliklə düşünülüb planlaşdırıldığı ilk kadrdan aydın olur. İşıqlandırmanın atmosferi tamamlaması, kameranın hərəkət dinamikasının incəliklə qurulması və səhnə keçidlərinin ritminin qorunması bu diqqətin əsas göstəricilərindəndir. Bütün bunlar göstərir ki, layihənin ərsəyə gəlməsində çox böyük yaradıcı qrupun zəhməti var.
Demək olar ki, bu layihədə kino sənəti ilə televiziya verilişi vəhdət daşıyır. "Qara bağ" layihəsi də, yəqin, "XX yüzillik" kimi öz tamaşaçısını, öz auditoriyasını tez bir zamanda qazanacaq, hər həftənin bazar günü insanları ekran başına toplaya biləcək.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Rəşid Mahmudovun evində partlayış baş verib?
SON DƏQİQƏ! ABŞ İranın Qeşm adasını bombaladı: 5-6 partlayış baş verdi
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
1960-cı ildə proqnozlaşdırılan "qiyamət günü" gəldi
Kadir İnanırın mirasının məbləği açıqlandı
Kirayəçi evi boşaltmaqdan imtina edirsə, ev sahibi nə etməlidir? - EKSPERTDƏN AÇIQLAMA
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Azərbaycanda siqaret yenidən bahalaşacaq? - İqtisadçıdan AÇIQLAMA
Yeni Azərbaycan Partiyası - milli siyasi iradənin, dövlətçilik ənənələrinin və güclü Azərbaycan məfkurəsinin ifadəsi
Azərbaycan-Böyük Britaniya: regional sabitlik və qlobal əməkdaşlıq perspektivləri
Yeni Azərbaycan Partiyasının yaradılmasının 34-cü ildönümü: Milli dövlətçilik tariximizin mühüm mərhələsi
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri