"Təhsil pulla ölçülməməlidir, bu, təhlükəli tendensiyadır" - AÇIQLAMA

"Təhsil pulla ölçülməməlidir, bu, təhlükəli tendensiyadır" - AÇIQLAMA"Təhsil bir millətin gələcəyidir, onun mənəvi və intellektual pasportudur. Bakıdakı bəzi özəl liseylərdə təhsil haqqının 50-55 min manat kimi rəqəmlərə çatması, əslində, təhsilin bir "ictimai xidmət" sahəsindən çıxaraq daha çox "lüks bir brend"ə çevrilməsinin göstəricisidir. Konstitusiyamıza görə hər bir vətəndaşın təhsil almaq hüququ olsa da, maliyyə baryerləri bu qədər yüksək olanda biz istər-istəməz təhsildə "imkanlılar" və "imkansızlar" deyə kəskin bir sərhəd çəkirik. Bərabər imkanlar prinsipi ondan ibarətdir ki, istedadlı bir uşaq atasının cibindəki vəsaitdən asılı olmayaraq ən yaxşı təhsili ala bilsin. Əgər ən müasir laboratoriyalar, xarici müəllimlər və geniş dünyagörüşü formalaşdıran mühit yalnız kiçik bir qrup üçün əlçatandırsa, bu, gələcəkdə cəmiyyətdə dərin bir intellektual uçurumun yaranmasına gətirib çıxaracaq".

Bu sözləri Sonxeber.az-a təhsil eksperti Şəmsi Qoca danışıb.

O, açıqlamasında qeyd edib ki, bu tendensiyanın genişlənməsi gənc nəsildə sosial ədalətsizlik hissini gücləndirir və onlarda "uğur qazanmaq üçün mütləq çox zəngin olmalısan" kimi yanlış bir qənaət formalaşdırır:

"Bu fərdi istedadın və zəhmətin önəmini azaldır, dövlət məktəblərinin nüfuzuna xələl gətirərək onları sanki "ikinci dərəcəli" müəssisələr kimi qələmə verir. Digər tərəfdən, bu qədər yüksək məbləğ ödəyən valideynlərin əsas hədəfi övladlarını xaricdə yaşamağa hazırlamaqdır ki, bu da ölkənin ən potensiallı beyinlərinin gələcəkdə Vətəndən uzaqlaşması ilə nəticələnə bilər.

Təhsil biznes deyil, təhsil işıqdır. Özəl sektorun rəqabəti qiymətlərin bahalığında deyil, biliyin keyfiyyətində və milli dəyərlərin qorunmasında olmalıdır. Bizim əsas hədəfimiz kənd məktəbində oxuyan istedadlı uşaqla paytaxtın ən bahalı liseyindəki şagirdin eyni bilik yarışında bərabər start nöqtəsində dayanmasını təmin etməkdir. Təhsilin qiyməti insanın taleyini müəyyən etməməli, insanın zəkası və əməyi öz həqiqi qiymətini tapmalıdır".

Ekspert əlavə olaraq onu da vurğulayıb ki, bu gün təhsil haqqının 50 min, hətta 100 min manat olması belə təhsilin keyfiyyəti baxımından xüsusi bir önəm daşımır:

"Mövcud situasiyada müşahidə edirik ki, əslində bu liseylərin bir çoxu mahiyyət etibarilə eyni proqramı, eyni dərsləri təqdim edir. Ortada olan mənzərə elm yarışı deyil, sadəcə rəqəmin böyüklüyü ilə aparılan mənasız və məntiqsiz bir "qiymət rəqabəti"dir. Sanki təhsil müəssisələri biliklə deyil, valideynin cibinin imkanları ilə yarışa giriblər.

Mən tam məsuliyyətimlə deyirəm: Azərbaycanda elə kənd məktəbləri var ki, oradakı tədris mühiti, müəllim fədakarlığı və şagirdin qavrayış dərinliyi o bahalı liseylərdəkindən qat-qat yüksəkdir. Çünki təhsil divarların rəngində, bufetin menyusunda və ya binanın şüşəli olmasında deyil, müəllimin şagirdin ruhuna toxuna bilməsindədir.

Bu gün o bahalı divarlar arasında qurulan "özəl sistem" sadəcə bir qrup insanın şəxsi biznes maraqları üzərində qurduğu mexanizmdir. Amma həqiqi bilik və zəka çox vaxt o dəbdəbəli otaqlarda deyil, bir kənd məktəbinin sadə partası arxasında, neft çırağının işığında (məcazi mənada desək) yetişir. Təhsili pulla ölçmək günəşin işığını satmağa bənzəyir - işıq hamı üçündür və onun əsl dəyəri qiyməti ilə deyil, neçə qaranlıq zehni işıqlandırması ilə ölçülür. Bu, sadəcə "özəl adamların özəl sistemi"dir və bu sistemin real elmi tərəqqi ilə əlaqəsi çox zəifdir".

Vüsalə İbrahimli


Sonxeber.az
Telegramda izləyin
Sosial   Baxılıb: 1036   Tarix: 09 aprel 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

"Şamaxinka"dakı qəzada ölən kuryerin dəfninə dostları belə gəldi - Video

Dünən paytaxtın Yasamal rayonu ərazisində - "Şamaxinka" adlanan yerdən keçən tunelin girişində baş vermiş qəzada ölən motosikletçi dəfn edilib. "Qafqazinfo" xəbər verir ki, faciəvi şəkildə həyatını itirən Asif Ağaverdiyevin dəfnində çoxsaylı motosikletçi iştirak edib. Onlar katafalk

18 noyabr
.

Güclü küləklə bağlı xəbərdarlıq

Noyabrın 17-də Bakıda və Abşeron yarımadasında, eyni zamanda bəzi bölgələrdə gözlənilən küləkli hava şəraiti ilə bağlı sarı xəbərdarlıq edilib. Bu barədə -a Milli Hidrometeorologiya Xidmətindən məlumat verilib. Bildirilib ki, Bakıda və Abşeron yarımadasında, Şamaxı, Qobustan, Xızı, Xaçmaz, Siyəzən, Şabran

16 noyabr
.

"Changan" idarəetməni itirərək səkiyə çıxdı

Gecə saatlarında Novxanı-Sumqayıt yolunda qəza baş verib. "Qafqazinfo" xəbər verir ki, "Changan" markalı minik avtomobili sürücünün idarəetməsindən çıxaraq səkiyə və yol kənarındakı ağaca çırpılıb. Bildirilib ki, hadisə yolun təmir gedən hissəsində qeydə alınıb. Qəzaya uğrayan nəqliyya

18 noyabr
.

Bakcell gənclər üçün növbəti süni intellekt hakatonunu keçirib

Bakcell gənclərin texnoloji bacarıqlarının inkişafına yönəlmiş hakatonlar silsiləsini davam etdirir. Bu dəfə Peerstack Academy tələbələri süni intellekt üzrə keçirilən hakatonda bir araya gəliblər. Hakaton çərçivəsində iştirakçılar telekommunikasiya sahəsi üçün süni intellekt dəstəkli məhsullar hazırlayıblar

18 noyabr
.

Dünyada ərzaq ucuzlaşır, Azərbaycanda isə bahalaşır - Səbəb nədir? - İQTİSADÇIDAN AÇIQLAMA

Dünya bazarında ərzaq məhsullarının qiymətində azalma müşahidə olunsa da, bu tendensiya Azərbaycanın daxili bazarında özünü eyni şəkildə göstərmir. FAO-nun oktyabr ayı üzrə göstəricilərinə əsasən, qlobal Ərzaq Qiymətləri İndeksi 1,2 faiz azalıb. Azərbaycanda isə əksinə, həmin ay ət və ət məhsulları

17 noyabr
.

Paytaxtda ölən motosikletçinin fotosu

Bakıda qəzada həyatını itirən motosiklet sürücüsünün kimliyi məlum olub. -ın əldə etdiyi məlumata görə, hadisə Yasamal rayonu, Moskva prospekti, 45 ünvanında tunelin girişində baş verib. Qismət Maxsud oğlu Qaçayev "Toyota" markalı avtomobil ilə hərəkətdə olarkən Asif Əliheydər oğlu Ağaverdiyevi

18 noyabr
.

Bab əl-Məndəb və Hörmüz eyni vaxtda risk altında: Azərbaycan tranzit marşrutları üçün bunun mənası nədir?

Körfəzdə gərginlik yenidən artıb. Noyabrın 13-də İran İnqilab Keşikçiləri Korpusu Bəhreyndəki ABŞ radarına hücum etdiyini açıqladı. ABŞ Mərkəzi Komandanlığı (CENTCOM) iki dronun vurulduğunu bildirdi, itki və zərər olmadığını dedi və radar iddiasını təkzib etdi (Al Jazeera, Reuters). Hər iki tərəfin iddias

16 noyabr
.

Məşhur salonlar şəbəkəsinin rəhbəri ilə bağlı məhkəmədən qərar

"Beautytime" salonlar şəbəkəsinin rəhbəri Könül Həmzəyevanın təqsirləndirilən şəxs qismində cəlb olunduğu işlərdən biri yekunlaşıb. "Unikal"a istinadən xəbər verir ki, xüsusi ittihamçı Röyal Masiyevin şikayəti əsasında Könül Həmzəyevanın Cinayət Məcəlləsinin 147.2-ci (ağır cinayə

16 noyabr
.

Azərbaycanda Milli Dirçəliş Günüdür

Bu gün - noyabrın 17-si Azərbaycanda Milli Dirçəliş Günüdür. Bayram 1988-ci ilin noyabr-dekabrında Bakıda başlayan milli-azadlıq hərəkatı ilə bağlıdır. Həmin vaxt SSRİ rəhbərliyinin Qarabağ məsələsi ətrafında apardığı anti-Azərbaycan siyasəti nəticəsində Azərbaycanda antisovet xalq hərəkatı təşəkkü

17 noyabr