Məscidin axundu influenser həyat yoldaşı ilə video çəkib görün nə etiraf etdi - VİDEO

Türkiyədə 4 ildir axund kimi fəaliyyət göstərən din xadimi sosial media hesabında paylaşdığı video ilə peşəsini tərk etdiyini bildirib.

Sonxeber.az türk mediasına istinadən xəbər verir ki, o, bu qərarı influenser olan həyat yoldaşı ilə birlikdə verdiyini açıqlayıb.

Din xadimi qeyd edib ki, axundluq fəaliyyəti onun həyatında mühüm rol oynayıb və bu işi böyük istək və həvəslə yerinə yetirib: "Bu peşə mənə çox şey qazandırdı. 4 ildir sevərək icra etdiyim bir iş idi".

O, artıq yeni hədəflərə yönəlmək istədiklərini vurğulayaraq, "Fərqli məqsədlərimiz olduğu üçün axundluğu buraxmaq qərarına gəldik" deyə bildirib.

Keçmiş axund əlavə edib ki, bu qərar onu tanıyanları kədərləndirə bilər: "Məni tanıyanlar buna görə üzüləcək. Mənim də bir tərəfim kövrəkdir, amma hədəflərimiz üçün bəzən bəzi şeylərdən imtina etmək lazımdır".

Telegramda izləyin