Küçədə satılan qarğıdalının qiyməti şok edir! Səbəb: satıcının yaraşıqlı olması - VİDEO

İstanbulun Karaköy səmtində qarğıdalı sataraq dolanan Alper Temel sosial şəbəkələrdə yayılan görüntülərdən sonra qısa müddətdə böyük populyarlıq qazanaraq beynəlxalq fenomenə çevrilib.

Sonxeber.az türk mediasına istinadən xəbər verir ki, turistlərin çəkdiyi videolar vasitəsilə tanınan Temel, xarici görünüşü ilə diqqət çəkdiyi üçün sosial mediada "yaraşıqlı qarğıdalı satan" kimi məşhurlaşıb. Paylaşılan görüntülər milyonlarla baxış toplayıb və gənc satıcının şöhrəti Türkiyə sərhədlərini aşaraq xaricə də yayılıb.

Məlumata görə, Rusiya, İspaniya və Rumuniya başda olmaqla müxtəlif ölkələrdən turistlər onu görmək üçün Karaköyə axın edir. Hətta bu ziyarətlərin təşkil olunduğuna dair iddialar da sosial mediada geniş müzakirələrə səbəb olub.

Artan maraq fonunda Temel TikTok platformasında canlı yayımlara başlayıb. Qısa müddətdə on minlərlə izləyici toplayan bu yayımların xüsusilə qadın istifadəçilər tərəfindən böyük maraqla qarşılandığı bildirilir.

Canlı yayımlar zamanı göndərilən virtual hədiyyələrin həcmi isə diqqət çəkib. İddialara əsasən, bəzi izləyicilər bir dəfəyə minlərlə hədiyyə göndərib və yalnız bir yayım zamanı əldə edilən gəlirin təxminən 1 milyon manat civarında olduğu irəli sürülür.

Telegramda izləyin