Bu videonu görən hər kəs bələdiyyə sədrinə xəbər verir - VİDEO

İstanbulun Sancaktepe rayonunda gecə saatlarında qeydə alınan görüntülər yerli sakinlər arasında ciddi narahatlıq yaradıb.

Sonxeber.az türk mediasına istinadən xəbər verir ki, bir vətəndaşın mobil telefonla gecə yarısı çəkdiyi kadrlarda küçə itlərinin sürü halında gəzdiyi əks olunub.

Qısa müddətdə sosial şəbəkələrdə yayılan video geniş müzakirələrə səbəb olub.

Görüntüləri izləyən çoxsaylı istifadəçilər vəziyyətin təhlükəli ola biləcəyini bildirərək narazılıqlarını ifadə ediblər. Xüsusilə gecə saatlarında küçədə hərəkət edən insanların risk altında olduğu vurğulanıb.

Sosial şəbəkə istifadəçiləri bələdiyyə sədrini etiketləyərək məsələ ilə bağlı təcili tədbir görülməsini tələb ediblər. Onlar "Zəhmət olmasa, dərhal bunun həllini tapın və tədbir görün. Bu saatda sizin də övladınız və ya qardaşınız işdən qayıdarkən belə mənzərə ilə qarşılaşa bilərdi" sözləri ilə çağırış ediblər.

Telegramda izləyin