Sərnişin avtobusunda saxlanılan kişinin mədəsindən görün nələr tapıldı

Türkiyənin Muş şəhərində polis əməkdaşlarının narkotik vasitələrə qarşı keçirdiyi yoxlamalar zamanı sərnişin avtobusunda diqqət çəkən hadisə qeydə alınıb.

Sonxeber.az türk mediasına istinadən xəbər verir ki, Muş İl Emniyet Müdürlüğü Narkotiklərlə Mübarizə Şöbəsinin əməkdaşları tərəfindən tətbiq nöqtəsində saxlanılan sərnişin avtobusunda yoxlama aparılıb. Avtobusda olan xarici vətəndaşın davranışlarından şübhələnən polis əməkdaşları onu nəzarətə götürüblər.

Xəstəxanaya aparılan şəxsin tibbi müayinəsi və radioloji yoxlaması zamanı mədəsində yad cisimlərin olduğu aşkarlanıb. Aparılan tibbi müdaxilə nəticəsində həmin şəxsin mədəsindən 118 kapsul şəklində, ümumilikdə 804 qram narkotik vasitə çıxarılıb.

Aşkarlanan narkotik maddə müsadirə olunub, şübhəli isə saxlanılaraq istintaqa cəlb edilib. Polis bölməsində aparılan prosedurlardan sonra məhkəməyə çıxarılan şəxs həbs olunaraq cəzaçəkmə müəssisəsinə göndərilib.

Faktla bağlı araşdırmalar davam etdirilir.

Telegramda izləyin