Məktəbdə qətliam törədən şagirdin yeni mesajları üzə çıxıb

Kahramanmaraşda 10 nəfərin ölümü ilə nəticələnən məktəb hücumunun detalları üzə çıxmağa davam edir.

Sonxeber.az türk mediasına istinadən xəbər verir ki, qətliamı törədən 14 yaşlı İsa Aras Mersinlinin hadisədən bir gün əvvəl VPN vasitəsilə məşhur "Discord" tətbiqində hücumu açıq şəkildə anons etdiyi məlum olub.

Belə ki, 8-ci sinif şagirdi olan İsa Aras qruplara göndərdiyi mesajlarda atası ilə olan münaqişəsini xüsusi qeyd edib:

"Lənət olsun! Bunu bu gün edə bilərəm".

"Günortadan sonra saat 3 radələrində hər şey hazır olacaq".

"5-ci və 6-cı sinif şagirdləri otaqda hazır dursa, işim daha asan olardı".

"Atam məni boğub öldürməyə çalışdı".

"Evdə təkəm, indi manifestimi bitirib bir az yatacağam".

"Daha sonra bu dünyaya nə qədər yorğun olduğumu, nələrə qadir olduğumu göstərəcəyəm".

Telegramda izləyin