Məktəblilər ildə bir dəfə psixoloji yoxlanışdan keçiriləcək? - AÇIQLAMA
Son dövrlərdə məktəblərdə baş verən xoşagəlməz hadisələr cəmiyyətdə ciddi narahatlıq doğurur və bu məsələyə daha dərindən yanaşmağın vacibliyini bir daha göstərir.
Uşaqların davranışında müşahidə olunan aqressiya, emosional gərginlik və sosial adaptasiya problemləri artıq təsadüfi hallar kimi deyil, diqqətlə izlənilməsi gərəkən siqnallar kimi qiymətləndirilir.
Buna görə məktəblilərin mütəmadi psixoloji müayinədən keçirilməsi məsələsi yenidən gündəmə gəlir: görəsən, şagirdlərin ildə bir neçə dəfə psixoloji yoxlanışdan keçməsi nə dərəcədə effektiv və zəruridir?
Məsələ ilə bağlı sosioloq Mətanət Məmmədova Sonxeber.az -a açıqlama verib:
"Texnologiyanın sürətlə inkişaf etdiyi, internet resurslarının uşaqlar üçün asanlıqla əlçatan olduğu bir dövrdə onların psixoloji vəziyyətinə nəzarət daha da aktuallaşır. Bu baxımdan məktəblilərin psixoloji müayinədən keçirilməsi vacibdir, lakin bu proses son dərəcə peşəkar və həssas şəkildə təşkil olunmalıdır. Belə müayinələr bütün şagirdləri əhatə etdikdə, heç bir uşaq özünü fərqli və ya "problemi olan" kimi hiss etməz. Əks halda, yalnız seçilmiş uşaqların müayinəyə cəlb olunması onlarda "məndə nə çatışmır?" kimi narahat suallar yarada bilər.
Unutmaq olmaz ki, böyüklər üçün adi görünən davranışlar uşaqların psixologiyasında dərin izlər buraxa, hətta travmaya səbəb ola bilər. Məhz buna görə də bu mövzuya yanaşma da eyni dərəcədə həssas və düşünülmüş olmalıdır. Uşağın psixoloji sağlamlığına görə əsas məsuliyyət valideynlərin üzərinə düşür. Valideynlər övladlarının davranışlarında baş verən ən kiçik dəyişikliklərə belə diqqət yetirməli, şübhəli məqamlar müşahidə etdikdə vaxtında mütəxəssisə müraciət etməlidirlər.
Əslində, bir çox hallarda problemi ilk görən məhz ailə olur. Buna baxmayaraq, bəzi valideynlərin diqqətsizliyi və ya gündəlik qayğılar səbəbindən bu məsələyə yetərincə önəm verilmədiyi də danılmazdır. Bu səbəbdən məktəblərdə psixoloji müayinələrin sistemli şəkildə təşkili xüsusi əhəmiyyət daşıyır. Bu cür yanaşma uşaqlarda mövcud ola biləcək psixoloji problemlərin erkən mərhələdə aşkar olunmasına imkan yaradar və daha ciddi fəsadların qarşısını ala bilər.
Belə müayinələrin ildə ən azı bir dəfə keçirilməsi məqsədəuyğundur. Çünki psixoloji dəyişikliklər birdən-birə deyil, zamanla formalaşır. Müntəzəm yoxlamalar isə bu dəyişiklikləri vaxtında müəyyən edib lazımi müdaxilə etməyə şərait yaradır. Nəticə etibarilə, bu cür sistemli yanaşma həm uşaqların sağlam inkişafını təmin edər, həm də cəmiyyətdə arzuolunmaz hadisələrin qarşısının alınmasına mühüm töhfə verər".
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Rəşid Mahmudovun evində partlayış baş verib?
SON DƏQİQƏ! ABŞ İranın Qeşm adasını bombaladı: 5-6 partlayış baş verdi
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
Güclü küləklə bağlı xəbərdarlıq
1960-cı ildə proqnozlaşdırılan "qiyamət günü" gəldi
Kadir İnanırın mirasının məbləği açıqlandı
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Azərbaycanda siqaret yenidən bahalaşacaq? - İqtisadçıdan AÇIQLAMA
Azərbaycan-Böyük Britaniya: regional sabitlik və qlobal əməkdaşlıq perspektivləri
Yeni Azərbaycan Partiyası - milli siyasi iradənin, dövlətçilik ənənələrinin və güclü Azərbaycan məfkurəsinin ifadəsi
Yeni Azərbaycan Partiyasının yaradılmasının 34-cü ildönümü: Milli dövlətçilik tariximizin mühüm mərhələsi
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri