Kafel ustasının işini bəyənməyən ailə evə polis çağırdı - VİDEO

Türkiyənin Adana şəhərində kafel ustası ilə ev sahibi olan ər-arvad arasında yaşanan mübahisə maraqlı anlarla yadda qalıb.

Sonxeber.az türk mediasına istinadən xəbər verir ki, evdə görülən işdən narazı qalan cütlük ustanın mənzili tərk etməsinə icazə verməyib və polisə müraciət edib. İddialara əsasən, kafel döşəmə işindən razı qalmayan tərəflər arasında gərginlik yaranıb və bu zaman mübahisə baş verib.

Hadisə zamanı çəkilən görüntülərdə ustanın onu videoya alan şəxslərə "Xahiş edirəm, məni çəkməyin" deyə müraciət etdiyi eşidilir. Qısa müddətdə yayılan video sosial mediada geniş müzakirələrə səbəb olub.

Hadisə yerinə çağırılan polis əməkdaşları məsələ ilə bağlı araşdırmalara başlayıb. Mübahisənin hüquqi tərəfinin qiymətləndirilməsi gözlənilir.

Görüntülərin yayılmasından sonra sosial şəbəkə istifadəçiləri iki yerə bölünüb. Bəzi istifadəçilər ev sahiblərinin davranışını sərt tənqid edərkən, digərləri isə görülən işin keyfiyyətinə görə ustanın məsuliyyət daşımalı olduğunu vurğulayıb.

Telegramda izləyin