ADU-da "Gələcəyin İngilis Dili (Future English)" layihəsinin yekunlarına həsr olunmuş tədbir keçirilib
Aprelin 22-də Azərbaycan Dillər Universitetinin (ADU) İngilis və Fransız dilləri fakültəsi, eləcə də İngilis və Alman dilləri fakültəsinin Xarici dil (ingilis dili) müəllimliyi ixtisası üzrə təhsil alan tələbələri ilə British Council ilə əməkdaşlıq çərçivəsində keçirilən "Gələcəyin İngilis Dili (Future English)" layihəsinin yekunlarına həsr olunmuş tədbir keçirilib.
ADU-nun rektoru, akademik Kamal Abdulla tədbir iştirakçılarını salamlayıb, layihənin əhəmiyyətindən söz açıb.
Bildirib ki, müasir dövrdə xarici dillərin, xüsusilə ingilis dilinin yüksək səviyyədə mənimsənilməsi gənclərin peşəkar inkişafı, beynəlxalq əməkdaşlıq imkanlarının genişlənməsi və rəqabətqabiliyyətli mütəxəssis kimi formalaşması baxımından mühüm əhəmiyyət daşıyır.
Rektor qeyd edib ki, "Gələcəyin İngilis dili" layihəsi tələbələrin dil bacarıqlarının təkmilləşdirilməsi, innovativ tədris metodları ilə tanışlığı və gələcək pedaqoji fəaliyyətə daha hazırlıqlı yetişməsi baxımından olduqca faydalıdır.
Qeyd olunub ki, ADU-da bu kimi layihələrin keçirilməsi tələbələrin inkişafına mühüm töhfə verir.
Rektor layihə çərçivəsində uğurla iştirak edən tələbələri təbrik edib, onlara gələcək fəaliyyətlərində uğurlar arzu edib.
"British Council" təşkilatının Azərbaycan üzrə filialının direktoru Nərgiz Hacıyeva layihə iştirakçılarını salamlayıb, layihənin keçirilməsi üçün göstərdiyi dəstəyə görə ADU rəhbərliyinə və kollektivinə təşəkkürünü bildirib.
Qeyd olunub ki, "Gələcəyin İngilis Dili (Future English)" layihəsi müəllimlik ixtisası üzrə təhsil alan tələbələrin peşəkar bilik və bacarıqlarının inkişafına, müasir tədris metodları ilə yaxından tanış olmasına və gələcək fəaliyyətlərinə daha hazırlıqlı başlamalarına mühüm töhfə verəcək.
Bildirilib ki, layihə çərçivəsində iştirakçılar interaktiv təlimlərə, seminar və praktiki məşğələlərə cəlb olunaraq innovativ yanaşmalar barədə geniş məlumat əldə ediblər.
ADU-nun Beynəlxalq əlaqələr üzrə prorektoru, professor Jalə Əliyeva çıxışında "Gələcəyin İngilis Dili (Future English)" layihəsinin əhəmiyyətindən danışıb.
Qeyd olunub ki, layihə tələbələrin ingilis dili üzrə bilik və bacarıqlarının təkmilləşdirilməsi, onların müasir tədris metodları ilə tanış olması və beynəlxalq təhsil mühitinə inteqrasiyası baxımından xüsusi önəm daşıyır.
Bildirilib ki, bu təşəbbüs gələcək müəllimlərin peşəkar hazırlıq səviyyəsinin yüksəldilməsinə, innovativ yanaşmaların mənimsənilməsinə və praktik təcrübələrinin zənginləşdirilməsinə geniş imkanlar yaradacaq.
Daha sonra layihədə yüz faizlik nəticə göstərən İngilis-alman fakültəsi üzrə Fatma Sadıqova, Günel Adıgözəlova, Xədicə Baxşaliyeva, İngilis-fransız fükaltəsi üzrə Məleykə İbrahimli, Nərmin Şahbazova çıxış ediblər.
Tələbələr layihə çərçivəsində qazandıqları bilik və təcrübələrdən söz açaraq, proqramın onların peşəkar inkişafına mühüm töhfə verəcəyini bildiriblər.
Qeyd olunub ki, keçirilən təlimlər, seminarlar və interaktiv məşğələlər sayəsində tələbələr müasir tədris metodları, effektiv ünsiyyət bacarıqları və innovativ yanaşmalar barədə dəyərli biliklər əldə ediblər.
Çıxış edənlər göstərilən diqqət və qayğıya görə Azərbaycan Dillər Universiteti rəhbərliyinə, müəllim heyətinə və British Council təşkilatına təşəkkürlərini ifadə edib, bu kimi layihələrin gələcəkdə də davam etdirilməsinin əhəmiyyətini vurğulayıblar.
Layihənin keçirilməsi prosesi ilə bağlı hazırlanan videoçarx izlənilib.
Tədbir bədii hissə ilə davam edib.




Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Rəşid Mahmudovun evində partlayış baş verib?
SON DƏQİQƏ! ABŞ İranın Qeşm adasını bombaladı: 5-6 partlayış baş verdi
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
Güclü küləklə bağlı xəbərdarlıq
1960-cı ildə proqnozlaşdırılan "qiyamət günü" gəldi
Kadir İnanırın mirasının məbləği açıqlandı
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Azərbaycanda siqaret yenidən bahalaşacaq? - İqtisadçıdan AÇIQLAMA
Azərbaycan-Böyük Britaniya: regional sabitlik və qlobal əməkdaşlıq perspektivləri
Yeni Azərbaycan Partiyası - milli siyasi iradənin, dövlətçilik ənənələrinin və güclü Azərbaycan məfkurəsinin ifadəsi
Yeni Azərbaycan Partiyasının yaradılmasının 34-cü ildönümü: Milli dövlətçilik tariximizin mühüm mərhələsi
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri