Bazarda ucuz satılan somon balıqları ilə bağlı xəbərdarlıq: Mütəxəssis diqqətli olmağa çağırdı - VİDEO

Bazarda kilosu aşağı qiymətə satışa çıxarılan Türk somonları mütəxəssis rəyi ilə gündəmə gəlib.

Sonxeber.az xəbər verir ki, qida mühəndisi balıqların görünüşündə diqqət çəkən əlamətlər olduğunu bildirərək istehlakçılara ehtiyatlı davranmağı tövsiyə edib.

Mütəxəssisin sözlərinə görə, satışda olan somon balıqlarının qarın nahiyəsində müşahidə edilən qeyri-adi şişkinlik onların ölüm sonrası xarab olma prosesinə daxil olmuş ola biləcəyini göstərə bilər.

Qida mühəndisi qeyd edib ki, qarın hissəsinin həddindən artıq şiş olması bakterial inkişaf və qaz toplanmasının əlaməti ola bilər. Onun sözlərinə görə, bu cür vəziyyət balığın dənizdə öldükdən sonra müəyyən müddət qaldığını düşündürür.

Mütəxəssis həmçinin balıqların aşağı qiymətə satılmasının səbəbinin də bu vəziyyətlə əlaqəli ola biləcəyini vurğulayıb.

İstehlakçılara balıq alarkən məhsulun qoxusuna, rənginə, gözlərinin şəffaflığına, ətinin bərkliyinə və ümumi görünüşünə diqqət yetirmələri tövsiyə olunub. Şübhəli görünən məhsulların alınmaması məsləhət görülür.

Telegramda izləyin