Gecəyarısı qapıları döyüldü, kameraya baxanda dəhşətə gəldilər - VİDEO

ABŞ-da naməlum şəxsin küçədə təhlükəli davranışlar sərgiləməsi yerli sakinlər arasında ciddi narahatlıq yaradıb.

Sonxeber.az xarici mediaya istinadən xəbər verir ki, 56 yaşlı Brian Mattson küçə ilə hərəkət edərkən təsadüfi evlərin qapılarını döyüb və əlindəki bıçaqla hücum hərəkətləri edib. Onun bu davranışları ətrafdakı təhlükəsizlik kameraları tərəfindən anbaan qeydə alınıb.

Kadrlarda şübhəlinin aqressiv hərəkətlərdən sonra hadisə yerindən sürətlə uzaqlaşdığı görünür. Sosial şəbəkələrdə yayılan görüntülər qısa müddətdə geniş rezonans doğuraraq yerli sakinlər arasında qorxuya səbəb olub.

Hadisədən sonra polis əməkdaşları əməliyyata başlayaraq şübhəlini qısa müddətdə saxlayıb. Brian Mattson məhkəməyə çıxarıldıqdan sonra barəsində həbs qətimkan tədbiri seçilib.

Faktla bağlı araşdırmalar davam edir.

Telegramda izləyin