Bir aya hazırlanır, 900 manata satılır

Türkiyənin Şırnak bölgəsində qadınların əl əməyi ilə hazırladığı xüsusi səccadələr böyük maraq görür. Hazırlanması təxminən bir ay davam edən səccadələr təxminən 900 manata alıcı tapır.

Sonxeber.az türk mediasına istinadən xəbər verir ki, bölgədə fəaliyyət göstərən sənətkar qadınlar ənənəvi naxışlardan istifadə edərək hər bir səccadəni əl işi kimi hazırlayırlar. Zəhmət və dəqiqlik tələb edən bu məhsullar həm yerli sakinlər, həm də turistlər tərəfindən maraqla qarşılanır.

Ustaların sözlərinə görə, səccadələrin hazırlanmasında keyfiyyətli sap və xüsusi toxuma üsullarından istifadə olunur. Əl işi olması məhsulun dəyərini daha da artırır.

Qeyd olunur ki, ənənəvi əl sənətlərinin yaşadılması baxımından bu cür məhsullar bölgənin mədəni irsinin qorunmasına da töhfə verir.

Telegramda izləyin