8 saniyəlik təhlükəli şou sürücüyə baha başa gəldi - VİDEO

Türkiyənin Antakya rayonunda motosiklet sürücüsünün yolun ortasında ön təkəri qaldıraraq hərəkət etməsi sosial şəbəkələrdə gündəm olub.

Sonxeber.az türk mediasına istinadən xəər verir ki, təxminən 8 saniyə ərzində təhlükəli formada motosiklet idarə edən sürücünü ətrafdakı vətəndaşlar mobil telefonla lentə alaraq sosial mediada paylaşıblar.

Görüntülərin yayılmasından sonra polis əməkdaşları araşdırmalara başlayıb. Yol Patrul Xidməti əməkdaşlarının keçirdiyi əməliyyat nəticəsində sürücünün kimliyi qısa müddətdə müəyyən edilərək saxlanılıb.

Qayda pozuntusuna görə sürücüyə təxminən 3 min manat məbləğində cərimə tətbiq olunub. Bundan başqa, onun sürücülük vəsiqəsi 2 aylıq məhdudlaşdırılıb, motosiklet isə 2 ay müddətinə cərimə meydançasına yerləşdirilib.

Telegramda izləyin