Musiqi sərhəd tanımır: MESAM Bakıda "Qardaşlığın körpüsü"nü qurdu

Musiqi sərhəd tanımır: MESAM Bakıda "Qardaşlığın körpüsü"nü qurduÇox vaxt məşhur mahnılar milyonlarla insan tərəfindən dinlənilir, müxtəlif platformalarda səslənir, tədbirlərdə ifa olunur. Lakin bu əsərlərin müəllifləri hər zaman bundan layiqli gəlir əldə edə bilmirlər. Müəllif hüquqlarının qorunması, xüsusilə rəqəmsal dövrdə əqli mülkiyyətin təmin olunması bu gün musiqi sənayesinin ən aktual problemlərindən biridir.
Məhz bu məsələlərin müzakirəsini təşkil etmək və bu sahədə beynəlxalq əməkdaşlığı genişləndirmək məqsədilə MESAM (Türkiyə Musiqi Əsəri Sahibləri Peşə Birliyi) Bakıda geniş təqdimat tədbiri keçirib. "Musiqi, Qardaşlığın Körpüsü" adı altında təşkil olunan toplantıda Türkiyə ilə Azərbaycan arasında mədəni və bədii həmrəyliyin daha da möhkəmləndirilməsi, müəllif hüquqlarının qlobal miqyasda qorunması mövzusunda əhəmiyyətli müzakirələr aparılıb.
MESAM-ın fəaliyyəti: Əqli mülkiyyət və rəqəmsal çağırışlar
Tədbirin əvvəlində MESAM-ın fəaliyyəti və keçdiyi inkişaf yolunu əks etdirən qısa film nümayiş olunub. Daha sonra çıxış edən MESAM-ın İdarə Heyətinin sədri Recep Ergül təşkilatın fəaliyyəti, prioritetləri və gələcək planları barədə ətraflı məlumat verib. O bildirib ki, MESAM 1986-cı ildə musiqi əsəri müəlliflərinin hüquqlarını qorumaq, onların yaradıcılıq məhsullarından əldə olunan gəlirləri ədalətli şəkildə təmin etmək məqsədilə yaradılıb və 40 illik fəaliyyəti dövründə nəinki regionun, ümumilikdə dünyanın aparıcı müəllif hüquqları təşkilatlarından birinə çevrilib: "Dünyada bu sahədə fəaliyyət göstərən qurumlar arasında ilk 20-liyə daxil olmağı hədəfləyirik", - deyə o vurğulayıb.
Recep Ergül qeyd edib ki, hazırda 192 ölkədə üzvlərinin hüquqlarını qoruyan MESAM-ın ümumilikdə 17 mindən çox üzvü var. Musiqi sektorunda geniş təsirə malik olan qurum yalnız hüquqi müdafiə ilə kifayətlənmir, eyni zamanda müəlliflərin əsərlərindən istifadə nəticəsində əldə olunan qonorarların toplanması və bölüşdürülməsi istiqamətində də sistemli fəaliyyət göstərir ki, bu da sənətçilərin öz əsərlərindən davamlı gəlir əldə etməsinə imkan yaradır.
MESAM sədri xüsusilə vurğulayıb ki, əqli mülkiyyətin qorunması müasir dövrdə ən vacib məsələlərdən biridir və bu sahədə effektiv mexanizmlərin qurulması yaradıcı insanların motivasiyasına birbaşa təsir göstərir: "MESAM-ın əsas məqsədlərindən biri bu sistemi daha da təkmilləşdirmək, xüsusilə rəqəmsal platformalarda müəllif hüquqlarının qorunmasını gücləndirməkdir. Bu gün qarşılaşdığımız yeni çağırışlardan biri də süni intellektin yaratdığı kontentlə bağlıdır. Türkiyə olaraq bu istiqamətdə artıq müəyyən addımlar atmışıq və bu təcrübəni Azərbaycanla da bölüşməyə hazırıq".
Onun sözlərinə görə, son illərdə rəqəmsal mühitdə ciddi irəliləyiş əldə olunub, qonorar sisteminin şəffaflığı artırılıb və restoranlar, ictimai məkanlar, xidmət sektoru kimi yeni istifadə sahələri də lisenziyalaşdırma sisteminə cəlb edilib. Bununla yanaşı, təşkilat beynəlxalq əməkdaşlıqları genişləndirərək türk musiqisinin qlobal bazarda mövqeyinin gücləndirilməsi istiqamətində mühüm addımlar atır.
Musiqinin birləşdirici gücü: Azərbaycan-Türkiyə əməkdaşlığı
Recep Ergül çıxışında Azərbaycanla əlaqələrə də xüsusi toxunub. O bildirib ki, hazırda MESAM-ın 400-ə yaxın azərbaycanlı üzvü var və bu, iki ölkə arasında yaradıcı sahədə sıx əlaqələrin göstəricisidir. Onun sözlərinə görə, Azərbaycanla əməkdaşlıq davamlı şəkildə inkişaf edir, ölkənin müvafiq qurumları, o cümlədən Əqli Mülkiyyət Agentliyi ilə görüşlər keçirilir və gələcəkdə bu əməkdaşlığın daha da genişləndirilməsi planlaşdırılır:
"Azərbaycan zəngin mədəniyyətə, dünya miqyaslı sənətçilərə sahib ölkədir. Azərbaycan dövləti mədəniyyətə və incəsənətə böyük önəm verir. Bu baxımdan, azərbaycanlı müəlliflərin hüquqlarının qorunması və əqli mülkiyyətin müdafiəsi istiqamətində əməkdaşlığımızın daha da genişlənəcəyinə inanırıq. Birgə layihələr, təcrübə mübadiləsi və ortaq mexanizmlərin tətbiqi bu sahədə mühüm nəticələr verə bilər".
Daha sonra tədbirdə iştirak edən MESAM nümayəndə heyətinin üzvləri, sədr müavinləri Selim Çaldıran, Hakan Sarıca, təşkilatın üzvləri - Mustafa Kul, Ferzində Kaya, idarə heyətinin üzvü, tanınmış sənətçi Ahmet Şafak, baş katib Ali Haydar, Yıldız, eyni zamanda Elif Kaya və digərləri çıxış edərək təşkilatın fəaliyyəti, müəllif hüquqlarının qorunması mexanizmləri və tətbiq olunan texnoloji sistemlər barədə məlumat veriblər. Onlar qeyd ediblər ki, MESAM modeli həm hüquqi, həm də iqtisadi baxımdan effektiv işləyən sistemdir və digər ölkələr üçün də tətbiq oluna biləcək nümunə hesab olunur.
Azərbaycanlı sənətçilərdən MESAM modelinə maraq
Tədbirdə həmçinin azərbaycanlı sənətçilər, bəstəkarlar, müğənnilər və musiqi sahəsinin nümayəndələri çıxış edərək MESAM-ın fəaliyyəti ilə bağlı fikirlərini bölüşüblər. Onlar xüsusilə müəllif hüquqlarının qorunması mexanizmləri, qonorar sisteminin işləmə prinsipləri və rəqəmsal platformalarda hüquqların təmin olunması məsələləri ilə maraqlanıblar. Ölkəmizdə müəllif hüquqlarının mövcud vəziyyəti, rəqəmsallaşma prosesində qarşılaşılan problemlər və onların həlli yolları ilə bağlı geniş müzakirələr aparılıb, iki ölkə arasında əməkdaşlığın daha da gücləndirilməsi istiqamətində müxtəlif təkliflər səsləndirilib. Qeyd edilib ki, MESAM-ın hazırladığı və tətbiq etdiyi model Azərbaycan kimi ölkələr üçün də nümunə ola bilər.
Qeyd edək ki, MESAM təmsilçiləri Bakı səfəri çərçivəsində Fəxri xiyabanda ümummilli lider Heydər Əliyevin və görkəmli sənətkarların məzarlarını ziyarət ediblər. Səfər çərçivəsində təşkilatın 40 illiyinə həsr olunmuş qala gecə də keçirilib. Tədbirdə Azərbaycan və Türkiyənin tanınmış sənətçiləri iştirak edib, hər iki ölkənin klassik və müasir musiqi nümunələri səsləndirilib. Gecə iki qardaş ölkənin musiqi mədəniyyətinin vəhdətini nümayiş etdirən rəngarəng proqramla yadda qalıb və iştirakçılar tərəfindən böyük maraqla qarşılanıb.

Qeyd edək ki, rəsmi hissə və Qala gecəsində Azərbaycandan çoxlu sayda sənət adamları təmsil olunub:
Aygün Səmədzadə, Cəlal Qurbanov, Rauf Məmmədov, Məmmədbağır Bağırzadə, Əlibaba Məmmədovun övladları, Tahir Əkbərin həyat yoldaşı, Baba Vəziroğlu, Samir Cəfərov, Nazpəri Dostəliyeva, Şəbnəm Tovuzlu, Nazilə Səfərli, Elza Seyidcahan, Ruslan Səfəroğlu və s.

Musiqi sərhəd tanımır: MESAM Bakıda "Qardaşlığın körpüsü"nü qurduMusiqi sərhəd tanımır: MESAM Bakıda "Qardaşlığın körpüsü"nü qurduMusiqi sərhəd tanımır: MESAM Bakıda "Qardaşlığın körpüsü"nü qurduMusiqi sərhəd tanımır: MESAM Bakıda "Qardaşlığın körpüsü"nü qurduMusiqi sərhəd tanımır: MESAM Bakıda "Qardaşlığın körpüsü"nü qurduMusiqi sərhəd tanımır: MESAM Bakıda "Qardaşlığın körpüsü"nü qurduMusiqi sərhəd tanımır: MESAM Bakıda "Qardaşlığın körpüsü"nü qurduMusiqi sərhəd tanımır: MESAM Bakıda "Qardaşlığın körpüsü"nü qurduMusiqi sərhəd tanımır: MESAM Bakıda "Qardaşlığın körpüsü"nü qurdu


Sonxeber.az
Telegramda izləyin
Sosial   Baxılıb: 670   Tarix: 07 may 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Hər şeydə qüsur axtaran insanlar: Daim neqativ düşünməyin səbəbi nədir? - PSİXOLOQDAN AÇIQLAMA

Cəmiyyətdə elə insanlar var ki, baş verən hadisələrə, edilən yaxşılıqlara və hətta xeyirxah təşəbbüslərə belə daim neqativ yanaşırlar. Kiminsə lotereyada iştirak etməsini fırıldaq hesab edir, xəstə uşaqların müalicəsi üçün başladılan yardım kampaniyalarının arxasında mütləq başqa məqsəd axtarır, küç

18 noyabr
.

Rəşid Mahmudovun evində partlayış baş verib?

Sosial şəbəkələrdə tanınmış həkim, tibb elmləri üzrə fəlsəfə doktoru Rəşid Mahmudovun evində qaz partlayışı baş verməsi ilə bağlı iddialar yayılıb. xəbər verir ki, paylaşımlarda iddia olunub ki, parlayış həkimin Badamdarda yerləşən evində baş verib. Məsələ ilə bağlı Rəşid Mahmudovla əlaqə saxladıq. Həki

17 noyabr
.

Azərbaycanda Milli Dirçəliş Günüdür

Bu gün - noyabrın 17-si Azərbaycanda Milli Dirçəliş Günüdür. Bayram 1988-ci ilin noyabr-dekabrında Bakıda başlayan milli-azadlıq hərəkatı ilə bağlıdır. Həmin vaxt SSRİ rəhbərliyinin Qarabağ məsələsi ətrafında apardığı anti-Azərbaycan siyasəti nəticəsində Azərbaycanda antisovet xalq hərəkatı təşəkkü

17 noyabr
.

Din xadimləri ilə bağlı iddiaya - Rəsmi reaksiya

"Son günlər bəzi media subyektlərində və sosial şəbəkələrdə Azərbaycan Respublikasının Dövlət Qulluğu Məcəlləsində din xadimləri ilə bağlı guya əvvəllər mövcud olmayan yeni məhdudiyyətin tətbiq edildiyi barədə həqiqətə uyğun olmayan məlumatlar yayılıb. Mövcud qanunvericilik aktları nəzərə alınmada

17 noyabr
.

Kirayəçi evi boşaltmaqdan imtina edirsə, ev sahibi nə etməlidir? - EKSPERTDƏN AÇIQLAMA

Kirayə münasibətlərində ev sahiblərinin üzləşdiyi problemlərdən biri də müqavilənin müddəti başa çatdıqdan və ya kirayə haqqı ödənilmədikdən sonra kirayəçinin mənzili boşaltmaqdan imtina etməsidir. Belə hallarda mülkiyyətçilər həm əmlak hüquqlarını qorumaq, həm də qanun çərçivəsində hərəkət etmək məcburiyyətind

17 noyabr
.

Çek verməyən sahibkarları 1000, 3000 və 6000 manat cərimə gözləyir - AÇIQLAMA

Satış zamanı alıcıya kassa çekinin təqdim edilməməsi həm vergi qanunvericiliyinin tələblərinin, həm də istehlakçı hüquqlarının pozulması hesab olunur. Xüsusilə, bəzi satıcıların nağd ödəniş zamanı çek verməkdən yayınması vergidən yayınma və satış dövriyyəsinin gizlədilməsi ehtimalını gündəmə gətirir

18 noyabr
.

Gürcüstanda 31 yaşlı azərbaycanlını cərəyan vurub öldürdü

Gürcüstanın Laqodexi bələdiyyəsində azərbaycanlı şəxs bədbəxt hadisə nəticəsində ölüb. "Qafqazinfo" xəbər verir ki, hadisə Yzybtala kəndində baş verib. Usta işləyən 31 yaşlı Əmrah Kazımov talvarın üzərini metal təbəqə ilə örtdüyü zaman ehtiyatsızlıqdan yüksəkgərginlikli elektrik naqillərin

18 noyabr
.

Xəzər dənizinin sahilboyu ərazilərinin dövlət idarəetməsi təkmilləşdirilir

Xəzər dənizinin sahilboyu ərazilərində davamlı inkişafın və ekoloji sabitliyin təmin edilməsi ilə bağlı idarəetmə və nəzarət sahələrində iştirak edən dövlət orqanlarının koordinasiyalı fəaliyyətinin təşkili, bu sahədə səmərəliliyin və çevikliyin artırılması, rəqəmsal idarəetmə modellərinin tətbiq edilməsi

17 noyabr
.

Bu hərbçilərin həyat yoldaşlarına müavinət ödənilməsi təklif olunur

Yeni xidmət yerinə köçən hərbçilərin həyat yoldaşlarına minimum əməkhaqqı məbləğində müavinət ödənilməsi təklif olunur. Bunu APA-ya açıqlamasında Milli Məclisin Müdafiə, təhlükəsizlik və korrupsiya ilə mübarizə komitəsinin sədri Arzu Nağıyev bildirib. Arzu Nağıyev deyib ki, bununla bağlı "Hərb

17 noyabr