Məşhur tarixi abidənin sökülməsi böyük narazılıq yaratdı

İstanbulun Sancaktepe rayonunda üzərində Səlcuq simvolu, Osmanlı tuğrası və ay-ulduz yerləşən abidənin sökülməsi zamanı ortaya çıxan görüntülər böyük narazılıq yaradıb.

Sonxeber.az xarici mediaya istinadən xəbər verir ki, abidənin sökülməsi zamanı çəkilən görüntülər sosial şəbəkələrdə geniş müzakirələrə səbəb olub və çoxsaylı tənqidlər səsləndirilib..

Hadisə ilə bağlı açıqlama verən Sancaktepe Bələdiyyəsinin sədri Alper Yeğin qeyd edib ki, söküntü zamanı lazımi həssaslıq göstərilməyib. O bildirib ki, "Söküm prosesi zamanı aidiyyəti əməkdaşların qeyri-səliqəli davranışı həm ictimaiyyəti, həm də məni narahat edib".

Bələdiyyə sədri həmçinin açıqlayıb ki, reaksiyalardan sonra həmin ərazidə yeni layihə həyata keçiriləcək. Bildirilib ki, sökülən abidənin yerində hündürlüyü 36 metr olan və üzərində 8x12 metr ölçüsündə Türkiyə bayrağının dalğalanacağı nəhəng bayraq dirəyi ucaldılacaq.

Telegramda izləyin