2 yaşlı körpə 3-cü mərtəbədən yıxıldı - VİDEO

Boqotada 2 yaşlı körpənin yaşadığı hadisə faciə ilə nəticələnə bilərdi. Valideyn nəzarətindən kənarda qalan uşaq yaşayış binasının 3-cü mərtəbəsinin eyvanından sallanıb.

Sonxeber.az türk mediasına istinadən xəbər verir ki, hadisəni görən məhəllə sakinləri dərhal hərəkətə keçərək aşağıda adyal açıb və körpəni xilas etməyə nail olublar.

Yerli medianın məlumatına görə, körpə eyvandan yıxılsa da, möcüzə nəticəsində ciddi xəsarət almayıb. Hətta onun burnu belə qanamayıb.

Hadisədən sonra açıqlama verən ata isə "Siqaret çəkmək üçün çölə çıxmışdıq" deyib. Sosial şəbəkələrdə yayılan görüntülər qısa zamanda böyük rezonans doğurub və valideyn məsuliyyəti ilə bağlı müzakirələrə səbəb olub.

Faktla bağlı araşdırma aparıldığı bildirilir.

Telegramda izləyin