Gənclər niyə onlayn tanışlıq platformalarına axın edir? - ARAŞDIRMA
Bir çox ölkələrdə olduğu kimi, Azərbaycanda da son illərdə onlayn tanışlıq sürətlə yayılıb.
Tanışlıq tətbiqlərinə maraq nəzərəçarpacaq dərəcədə artıb və insanlar ətraflarında olan digər tənha şəxslərlə tanış olmaq üçün bu platformalara daha çox üz tuturlar.
Bəs gənclər niyə bu tətbiqlərə axın edir?
Sosioloq M. Məmmədova isə hesab edir ki, onlayn tanışlıq platformalarının geniş yayılması müasir dövrdə insanların sosial münasibətlər qurma formasını dəyişib. Onun sözlərinə görə, sürətli həyat tərzi, vaxt məhdudiyyəti və insanların getdikcə daha çox rəqəmsal mühitdə vaxt keçirməsi virtual münasibətləri adi hala çevirib:
"Əvvəllər insanlar daha çox dost çevrəsi, iş mühiti və ya sosial tədbirlər vasitəsilə tanış olurdu. Hazırda isə texnologiyanın inkişafı münasibətlərin qurulma formasına da təsir göstərib. Xüsusilə gənc nəsil üçün virtual platformalarda ünsiyyət qurmaq daha rahat görünür. Çünki burada insan özünü təqdim etmək, qarşı tərəfi seçmək və münasibəti idarə etmək baxımından daha sərbəst hiss edir. Bununla yanaşı, virtual münasibətlərin həddindən artıq üstün tutulması real sosial əlaqələrin zəifləməsinə, insanlar arasında emosional məsafənin artmasına da səbəb ola bilər".
İT mütəxəssisi Elvin Abbasov mövzu ilə bağlı Sonxeber.az-a açıqlamasında bildirib ki, tanışlıq platformalarının inkişafı uzun illərə dayanır:
"90-cı illərin sonlarından etibarən müxtəlif tanışlıq saytları yaranmağa başladı. Daha sonra Facebook kimi iri sosial şəbəkələr həyatımıza daxil oldu. Smartfonların yayılması ilə birlikdə isə mobil tətbiqlər üzərindən fəaliyyət göstərən tanışlıq platformaları populyarlaşdı. Bu tətbiqlərin bir qismi ödənişli, digərləri isə pulsuz fəaliyyət göstərir. Hər birinin arxasında isə onların maliyyə davamlılığını təmin edən güclü marketinq sistemi dayanır və bu sahədən ciddi gəlirlər əldə olunur".
Virtual ünsiyyətin bəzi insanlar üçün niyə daha rahat və üstün hesab edildiyinə gəlincə, psixoloq Gülər Məmmədova bildirib ki, bunun əsas səbəblərindən biri gənclərin qapalı platformalarda özlərini daha sərbəst hiss etməsidir:
"Bir çox gənc sosial münasibətlərini məhz qapalı platformalarda qurmağa üstünlük verir. Belə mühitdə insanlar kimliyindən asılı olmayaraq daha rahat ünsiyyət yarada bilirlər. Çünki burada onlar daha çox ‘real Mən’lərini deyil, ‘ideal Mən’lərini təqdim edir, özlərində olmayan xüsusiyyətləri varmış kimi göstərərək kompleks hiss etmədən münasibət qururlar. Eyni zamanda sosial fobiyası, utancaqlığı və ya qapanıqlığı olan şəxslər virtual ünsiyyətdə özlərini daha komfortlu hiss etdikləri üçün bu platformalara daha çox yönəlirlər. İnsanlar bəzən öz üzərlərində işləmək, müəyyən bacarıqlar əldə etmək əvəzinə, bu tətbiqlər vasitəsilə münasibətlərdə özlərini təsdiqləməyə çalışırlar. Nəticədə isə bu hallar müəyyən problemlərə və konfliktlərə yol aça bilir", - deyə psixoloq vurğulayıb.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Rəşid Mahmudovun evində partlayış baş verib?
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
SON DƏQİQƏ! ABŞ İranın Qeşm adasını bombaladı: 5-6 partlayış baş verdi
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Kadir İnanırın mirasının məbləği açıqlandı
1960-cı ildə proqnozlaşdırılan "qiyamət günü" gəldi
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Netanyahunun sosial şəbəkə hesablarına kiberhücum oldu - FOTO
Kirayəçi evi boşaltmaqdan imtina edirsə, ev sahibi nə etməlidir? - EKSPERTDƏN AÇIQLAMA
Azərbaycan-Böyük Britaniya: regional sabitlik və qlobal əməkdaşlıq perspektivləri
Azərbaycanda siqaret yenidən bahalaşacaq? - İqtisadçıdan AÇIQLAMA
Yeni Azərbaycan Partiyası - milli siyasi iradənin, dövlətçilik ənənələrinin və güclü Azərbaycan məfkurəsinin ifadəsi
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri