Keşmiş bələdiyyə sədri görün harda dəfn edilmək istəyir

Keçmiş Ankara bələdiyyə sədri Melih Gökçekin keçirdiyi ağır bypass əməliyyatından sonra vəsiyyətini yaxın çevrəsi ilə paylaşdığı iddia olunub.

Sonxeber.az xarici mediaya istinadən xəbər verir ki, Gökçek vəfat edəcəyi halda Ankaranın Çamlıdere rayonunda yerləşən Şeyx Əli Səmərqəndi türbəsinin olduğu məzarlıqda dəfn olunmasını istəyib.

Məlumata görə, 2024-cü ildə 5 damarında tıxanma aşkarlanan Melih Gökçek ağır bypass əməliyyatı keçirib. Fehmi Çalmuk bildirib ki, əməliyyatdan sonra Gökçekin mənəvi mövzulara marağı artıb və o, yaxınlarına son arzusunu açıqlayıb.

Çalmuk yazısında həmçinin təsəvvüfdə işlədilən "ölmədən öncə ölmək" ifadəsini xatırladaraq, Gökçekin artıq əbədi istirahət yerini seçdiyini qeyd edib.

Telegramda izləyin