Silvester Stallone məşhur treyleri seriala çevirir

Silvester Stallone yeni televiziya layihəsi - amerikalı yazıçı C. D. Barkerın "4MK" (Dörd Meymun Qatili) kimi tanınan məşhur kitab seriyasının ekranlaşdırılmasını hazırlayır.

Lent.az xarici mediaya istinadla xəbər verir ki, bu, seriyal qatil və tədricən təkcə cinayətlər zəncirini deyil, həm də baş verənlərin psixoloji tərəflərini üzə çıxaran təhqiqat haqqında qaranlıq bir kriminal treylerdir.

Layihə premium televiziya platforması üçün serial formatında hazırlanır. Stallone bu layihə üzərində "Walking Dead" (Gəzən ölülər) franşizasındakı işi ilə tanınan ssenarist və prodüser Çenninq Pauell ilə birlikdə çalışır.

Ekranlaşdırmanın əsasını silsilənin ilk üç kitabı təşkil edəcək: "Dördüncü meymun", "Beşinci qurban" və "Altıncı lənətlənmiş övlad". Süjetin mərkəzində "Dörd Meymun Qatili" ləqəbli seriyalı qatilin izinə düşməyə çalışan detektiv Sem Porter dayanır. Təhqiqat tez bir zamanda xeyirlə şər arasındakı sərhədlərin tədricən silindiyi psixoloji oyuna çevrilir.

Silvester Stallone öz şərhində hekayənin miqyasını və potensialını xüsusi qeyd edib:

"C. D. Barker böyük vüsətə, real təhlükəyə və premium televiziya üçün mükəmməl uyğun gələn mifologiyaya malik bir dünya yaradıb", - aktyor vurğulayıb.

Layihənin şouraneri kimi çıxış edən Çenninq Pauell isə bunu gərgin və emosional baxımdan ağır bir triller kimi xarakterizə edib.

Onun sözlərinə görə, süjet "izləyicini tədricən daimi təzyiq və psixoloji gərginlik vəziyyətinə salır".

Hekayənin mərkəzində günahkarlıq, ədalət və insan əməllərinin nəticələri mövzuları dayanır.

Orijinal silsilənin müəllifi C. D. Barker da öz hekayəsinin dramatik xarakterini önə çəkib:

"Burada hər yeni kəşf daha da dərinləşir və ağrılı olur, hər bir qərarın bir bədəli var, qəhrəmanlar isə öz daxili qaranlıqları ilə üzləşmək məcburiyyətində qalırlar", - yazıçı qeyd edib.

Ayrıca olaraq bildirilir ki, "4MK" kainatı genişlənəcək: prikvel-trilogiya artıq hazırlanma mərhələsindədir və "Birinci al qapı" adlı ilk kitabın 2026-cı ildə işıq üzü görməsi gözlənilir.

Layihənin şouraneri Çenninq Pauell olacaq, Stallone özü isə "Balboa Productions" ilə birlikdə icraçı prodüser qismində çıxış edəcək. İşdə həmçinin D. Mett Geller və Kristian Bersani də iştirak edirlər.

Telegramda izləyin