Anar Quliyev WUF13-ün əsas nəticələrini açıqladı

WUF13 çərçivəsində 400-dən çox tədbir təşkil olunub. Bunu forumun milli koordinatoru Anar Quliyev bağlanış mərasimində bildirib.

Sonxeber.az xəbər verir ki, onun sözlərinə görə, dialoq, xüsusi sessiya, dəyirmi masa və paralel tədbirlər daxil olmaqla keçirilən proqramlarda 125 ölkədən 400-dən çox məruzəçi iştirak edib.

A.Quliyev forumun inklüziv xarakter daşıdığını, müxtəlif qrupları və tərəfləri bir araya gətirdiyini vurğulayıb. O qeyd edib ki, forum tarixində ilk dəfə təşkil olunan QHT Forumunda 100-dən çox ölkədən 800-ə yaxın iştirakçı yer alıb və Bakı Bəyannaməsi qəbul edilib.

Milli koordinator bildirib ki, WUF13-də yaradılan Biznes İnnovasiya Mərkəzi startaplar, investorlar və dövlət qurumları arasında əməkdaşlıq imkanları yaradıb.

Forum ümumilikdə 34 min kvadratmetrdən çox ərazini əhatə edib, 81 ölkədən 50-dən çox təşkilat 122 stendlə təmsil olunub. Azərbaycan pavilyonunda isə COP29, "Böyük Qayıdış", ağıllı şəhər və kənd layihələri təqdim edilib.

A.Quliyev əlavə edib ki, işğaldan azad olunmuş Qarabağ və Şərqi Zəngəzurda həyata keçirilən yenidənqurma layihələri forum iştirakçılarının xüsusi diqqətini çəkib.

Telegramda izləyin