"Taşacak Bu Deniz" setində sevgi üçbucağı - VİDEO

"Taşacak Bu Deniz" serialının baş rollarını canlandıran Ali Öner və Zeynəb Atılqanın mövsüm finalı gecəsində birlikdə rəqs etməsi sosial şəbəkələrdə geniş müzakirələrə səbəb olub.

Sonxeber.az xarici mediaya istinadla xəbər verir ki, görüntülər uzun müddətdir səsləndirilən "set eşqi" iddialarını yenidən gündəmə gətirib.

Hadisədən sonra diqqətlər Ali Önerin keçmiş nişanlısı Livanur Aydına yönəlib. Ötən ilin avqustunda nişanlanan cütlük evlilik ərəfəsində gözlənilmədən ayrılmışdı. Həmin vaxt ayrılığın səbəbi kimi Ali Önerlə rol yoldaşı Zeynəb Atılqan arasında yaxınlaşma yaşandığı iddia olunurdu.

Sosial şəbəkə hesabında açıqlama verən Livanur Aydın xəyanət iddialarına işarə edərək, "Sizin bu gün əmin olduğunuz şübhələr təəssüf ki, əvvəldən mənim gerçəkliyim idi" ifadələrini işlədib.

Aydın bildirib ki, artıq keçmişi müzakirə etmək niyyətində deyil və həyatına, hədəflərinə fokuslanaraq yoluna davam edir. O, adının bu hadisələrlə daha çox hallandırılmamasını istədiyini də vurğulayıb.

Telegramda izləyin