Gənc qız avropada yaşadıqlarına üsyan etdi - VİDEO

Budapeşt hava limanında Türkiyəyə qayıtmağa hazırlaşan türk vətəndaşı gömrük nəzarəti zamanı saxlanıldığını bildirib. Sosial şəbəkədə paylaşdığı videoda o, çantasının axtarıldığını və gömrük əməkdaşlarının ona üzərində nə qədər pul olduğu, hansı şəhərləri gəzdiyi və ölkədə neçə gün qaldığı barədə suallar verdiyini deyib.

Sonxeber.az xarici mediaya istinadla xəbər verir ki, gənc qadın ölkədən çıxış etdiyi halda bu cür sorğu-suala məruz qalmasına etiraz edib.O, "Mən sizin ölkənizə girmirəm, çıxıram" sözləri ilə narazılığını ifadə edib. O, əməkdaşların sualvermə tərzindən də narahat olduğunu bildirib.

Qadın videoda Avropa ölkələrində türk vətəndaşlarının tez-tez oxşar yoxlamalarla qarşılaşdığını iddia edərək, bu vəziyyətin narahatedici olduğunu vurğulayıb.

Sosial şəbəkələrdə geniş yayılan görüntülər istifadəçilər arasında gömrük və sərhəd nəzarəti qaydaları ilə bağlı müxtəlif müzakirələrə səbəb olub.

Telegramda izləyin