Evə oğurluğa girməyə çalışan qızlar kameranı görəndə qaçdılar - VİDEO

İstanbulun Kartal rayonunda yaşayış binasında baş verən oğurluq cəhdi təhlükəsizlik kameraları tərəfindən anbaan qeydə alınıb.

Sonxeber.az xarici mediaya istinadla xəbər verir ki,görüntülərdə ən azı iki nəfərin mənzillərdən birinin qapısı önündə gözlədiyi, onlardan birinin isə qapının kilidini açmağa çalışdığı görünür. Şübhəlilərin bir müddət qapını zorlayaraq mənzilə daxil olmağa cəhd etdikləri müşahidə olunur.

İddialara görə, mənzilə girmək istəyən şəxslər binanın dəhlizində quraşdırılmış təhlükəsizlik kamerasını fərq etdikdən sonra planlarından vaz keçiblər. Kadrlarda onların qısa müddət sonra tələsik şəkildə binanı tərk etdikləri əks olunub.

Təhlükəsizlik kamerasına düşən görüntülərdə şübhəlilərin qapı önündəki hərəkətləri və daha sonra binadan uzaqlaşmaları aydın şəkildə görünür.

Hadisə ilə bağlı araşdırmalara başlanıldığı bildirilib.

Telegramda izləyin