Məşhur müğənnidən sosial təşəbbüs: Küçələrdə kağız topladı - VİDEO

Türkiyəli müğənni Çelik növbəti dəfə sosial məsuliyyət nümunəsi göstərərək diqqət mərkəzinə düşüb. Daha əvvəl ehtiyacı olan vətəndaşların ərzaq mağazalarına olan borclarını ödəməklə gündəmə gələn sənətçi bu dəfə Samsunun İlkadım rayonunda yaşayan Serpil adlı xanıma dəstək olub.

Sonxeber.az türk mediasına istinadən xəbər verir ki, məlumata görə, Serpil xanım gündəlik dolanışığını tullantı kağız toplamaqla təmin edir. Onun həyat şəraiti ilə tanış olan Çelik həmrəylik nümayiş etdirərək küçələrdəki tullantı konteynerlərindən kağız toplayıb.

Sənətçinin bu addımı sosial şəbəkələrdə və ictimaiyyət arasında maraqla qarşılanıb. Bir çox istifadəçi onun ehtiyacı olan insanlara göstərdiyi dəstəyi təqdir edərək bu cür təşəbbüslərin cəmiyyət üçün nümunə olduğunu vurğulayıb.

Çelikin həyata keçirdiyi aksiya aztəminatlı insanlara diqqətin artırılması və sosial həmrəyliyin gücləndirilməsi baxımından müsbət qiymətləndirilib.

Telegramda izləyin