Parkda bıçaqlanaraq öldürülən yeniyetmənin görüntüləri yayılıb - VİDEO

Türkiyənin Ankara şəhərinin Etimesgut rayonunda qısqanclıq zəminində baş verən mübahisə faciə ilə nəticələnib.

Sonxeber.az xarici mediaya istinadla xəbər verir ki, hadisə Şeyx Şamil məhəlləsindəki parklardan birində qeydə alınıb. Məlumata görə, 17 yaşlı gənc keçmiş sevgilisini 16 yaşlı K.A. ilə birlikdə görüb. Tərəflər arasında yaranan mübahisə qısa zamanda davaya çevrilib.

Bu zaman şübhəli K.A.-ya dəfələrlə bıçaq zərbəsi endirib və hadisə yerindən qaçıb. Ağır yaralanan yeniyetməyə hadisə yerində ilkin tibbi yardım göstərilib. Sosial şəbəkələrdə yayılan görüntülərdə təcili yardım əməkdaşlarının ona sedye üzərində ürək masajı etdiyi əks olunub.

Xəstəxanaya çatdırılan K.A. həkimlərin bütün səylərinə baxmayaraq həyatını itirib.

Hadisədən sonra qaçan 17 yaşlı şübhəli polis tərəfindən saxlanılıb. Araşdırmalar çərçivəsində onun atasının da polis nəzarətinə götürüldüyü bildirilir.

Faktla bağlı istintaq davam edir.

Telegramda izləyin