Afrikalı uşaqlardan Milli Komandaya xüsusi dəstək - VİDEO

Türkiyə Milli Komandasına dəstək məqsədilə hazırlanan xüsusi marş böyük maraqla qarşılanıb. Vəkil Mehmet Mirza Dinçer tərəfindən sözləri yazılan, bəstələnən və ifa olunan marş qısa müddətdə geniş auditoriyanın diqqətini cəlb edib.

Sonxeber.az türk mediasına istinadən xəbər verir ki, marşa Afrikadan olan uşaqlar da öz dəstəyini nümayiş etdirib. Onlar mahnının sədaları altında rəqs edərək Türkiyə yığmasına uğurlar arzulayıblar. Rəngarəng görüntülər sosial şəbəkələrdə böyük maraq doğurub.

Milli birlik və həmrəylik ruhunu gücləndirmək məqsədilə hazırlanan marş müxtəlif ölkələrdə yaşayan insanları ortaq sevinc və həyəcan ətrafında bir araya gətirib.

Qeyd edək ki, Türkiyə Milli Komandasına həsr olunan bu layihə azarkeşlər tərəfindən müsbət qarşılanıb və komandaya mənəvi dəstək nümunəsi kimi dəyərləndirilib.

Telegramda izləyin