Avtobus qəzasına səbəb olan sürücü: "Sevgilimlə problem yaşamışdım, yuxusuz idim"

Türkiyənin Adana şəhərində sükan arxasında yuxuya gedərək avtobusun qəzaya uğramasına və 7 nəfərin yaralanmasına səbəb olan sürücünün polisə verdiyi ifadə məlum olub.

Sonxeber.az türk mediasına istinadən xəbər verir ki, sürücü ifadəsində hadisədən bir gecə əvvəl sevgilisi ilə problem yaşadığını və bu səbəbdən gecə boyu yatmadığını bildirib. O, yuxusuz olduğu üçün idarəetməni itirdiyini etiraf edib.

Qəza nəticəsində avtobusda olan 7 nəfər müxtəlif dərəcəli bədən xəsarətləri alıb. Yaralılar hadisə yerinə çağırılan təcili tibbi yardım briqadaları tərəfindən xəstəxanaya çatdırılıb.

Araşdırmalar zamanı sürücüyə yol hərəkəti qaydalarını pozduğuna görə 70 min türk lirəsi məbləğində inzibati cərimə tətbiq edilib. Məhkəmə qərarı ilə o, barəsində məhkəmə nəzarəti tədbiri seçilməklə sərbəst buraxılıb.

Hadisə ilə bağlı araşdırmalar davam etdirilir.

Telegramda izləyin