Təşviş pozuntusu sadəcə əlamət deyil: Problemin əsl səbəbləri

Təşviş pozuntusu psixoloqlara müraciət etmək üçün ən çox yayılan səbəblərdən biri olaraq qalsa da, bir çoxları hələ də bununla təkbaşına mübarizə aparmağa çalışır. Bəs nəfəs məşqləri niyə bu problemi kökündən həll etmir?

Oxu.Az xəbər verir ki, bu barədə gazeta.ru-ya psixoloq Natalya Danilova məlumat verib.

O bildirib ki, xəstə tez-tez döyünən ürək, hava çatışmazlığı, başgicəllənmə və sanki heç bir səbəb olmadan yaranan kəskin təşvişlə üzləşir. Lakin Təşviş pozuntusu təsadüfi hal deyil, orqanizmin illərlə toplanan daxili gərginliyə verdiyi reaksiyadır.

"Təşviş pozuntusu sadəcə bir problem deyil, həm də siqnaldır. Orqanizm bununla gərginlik səviyyəsinin psixikanın adət etdiyi üsullarla öhdəsindən gələ bilməyəcəyi qədər yüksək olduğunu göstərir", - deyə Danilova izah edir.

Bəzi hallarda insanlar qıcıqlandırıcı amilləri - həddindən artıq yorğunluğu, xroniki stresi və münaqişələri özləri müəyyən edə bilirlər. Əgər bu əlaqə aydındırsa, həmin faktorlar üzərində işləmək nəticə verə bilər. Ancaq əsas səbəb həmişə göründüyü kimi olmur. Psixika gərginliyin mənbəyini gizlədə bilir və nəticədə insan problemin özü ilə deyil, onun xarici təzahürləri ilə mübarizə aparmağa başlayır.

"İnsan düzgün nəfəs almağı, fikrini yayındırmağı və vəziyyəti idarə etməyi öyrənir, ancaq bunun niyə baş verdiyini anlaya bilmir. Bütün cəhdlərə baxmayaraq, ataklar yenidən təkrarlanır", - deyə psixoloq qeyd edir.

Özünü tənzimləmənin baza üsulları (nəfəs məşqləri, diqqətin yayındırılması, yerlə təmas hissi) hücumun şiddətini azaltmağa kömək edir. Lakin onlar səbəblə deyil, yalnız əlamətlərlə işləyir. Ən çox buraxılan səhvlərdən biri simptomları tamamilə boğmağa çalışmaqdır. Şəxs bu vəziyyətin özündən qorxmağa başlayır və növbəti hücum qorxusu gərginliyi artıran əlavə bir amilə çevrilir. Mütəxəssis izah edir ki, hücum qarşısında yaranan qorxu özlüyündə yeni bir faktora çevrilir.

Daha səmərəli yanaşma Təşviş pozuntusuna həddindən artıq yüklənmə və dəyişikliklərə ehtiyac siqnalı kimi baxmaqdır. Mütəxəssisə müraciət etmək atakların yaranma mexanizmini daha dərindən anlamağa, mövcud vəziyyəti, keçmiş təcrübələri və stresə qarşı fərdi reaksiya xüsusiyyətlərini təhlil etməyə imkan yaradır.

"Özünə kömək terapiyanın əvəzedicisi deyil, yalnız bir dəstəkdir. Bu üsul yeganə vasitə kimi deyil, əlavə bir tədbir kimi istifadə edildikdə fayda verir", - deyə Danilova vurğulayır.

Əsas məqsəd atakları yox etmək deyil, onlara səbəb olan amilləri dəyişdirməkdir. Çünki Təşviş pozuntusu heç vaxt təsadüfən yaranmır.

"Təşviş pozuntusu heç vaxt təsadüfi baş vermir. Burada məqsəd onları sadəcə kənarlaşdırmaq yox, onlara təkan verən səbəbləri aradan qaldırmaqdır", - deyə Natalya Danilova fikrini yekunlaşdırır.

Telegramda izləyin